2015 جىلى ەۋروپاعا ءبىر ميلليوننان استام ميگرانت پەن بوسقىن كەلگەن. ونىڭ 972 مىڭ 500-دەيى جەرورتا تەڭىزىن كەسىپ وتكەن. تەڭىز ارقىلى ەۋروپاعا جەتپەك بولعانداردىڭ 4 مىڭعا جۋىعى قايتىس بولعان نەمەسە ۇشتى-كۇيلى جوعالىپ كەتكەن.

ميگرانتتار ەۋروپالىق وداقتىڭ تومەندەگى التى ەلى ارقىلى كەسىپ وتكەن: گرەكيا، بولگاريا، يتاليا، يسپانيا، مالتا جانە كيپر.

جەرورتا تەڭىزىنەن ءوتىپ، ەۋروپاعا جەتكەن ميگرانتتاردىڭ جارتىسىنان استامى — ەلىندە ءجۇرىپ جاتقان سوعىستان قاشۋعا ءماجبۇر بولعان سيريالىقتار. 20 پايىزى اۋعاندىقتار بولسا، 7 پايىزى يراكتان شىققاندار. 

ميگراتسيا جونىندەگى حالىقارالىق ۇيىمنىڭ باسشىسى ۋيليام لەيسي سۆينگ «ميگراتسيادان قاشىپ قۇتىلا المايسىڭ، ول – ماڭىزدى» دەيدى.

ونىڭ سوزىنشە، قاۋىپسىز ءارى زاڭدى ميگراتسياعا جاعداي جاساۋ كەرەك. سونىمەن بىرگە ەۋروپالىقتاردىڭ قاۋىپسىزدىكتەرىنە بايلانىستى الاڭداۋشىلىقتارىن دا ەسەپكە الۋ كەرەك دەدى. ال بۇۇ-نىڭ بوسقىندار جونىندەگى مەكەمەسىنىڭ جەتەكشىسى انتونيو گۋتتەرەش كەيبىر ەلدەردە ميگرانتتار كوشى تەرىس كوزقاراس تۋعىزعانىمەن، ولار قازىر تۇرىپ جاتقان قوعامعا وزدەرىنىڭ جاعىمدى جاقتارىن دا كورسەتە باستاعانىن اتاپ ءوتتى.

اباي-اقپارات