بۇگىن مينسكىدە ۋكراينانىڭ شىعىسىنداعى جاعدايدى رەتتەۋگە بايلانىستى ءۇش تاراپتى كەزدەسۋدە 23 جەلتوقساننان باستاپ دونباستا تىنىشتىقتى ساقتاۋ جونىندە كەلىسىمگە كەلدى.

بۇل جونىندە كيەۆ اتىنان قاتىسقان لەونيد كۋچمانىڭ ءباسپاسوز حاتشىسى داريا وليفەر حابارلادى. «بۇل باستاما ەڭ ءبىرىنشى دونباستىڭ بەيبىت تۇرعىندارى ءۇشىن ماڭىزدى. ولار روجدەستۆو مەن جاڭا جىل مەرەكەسىن تىنىشتىقتا وتكىزۋ كەرەك»، - دەپ مالىمدەدى ول.

مۇنداي كەلىسىمدى ءۇش تاراپتى كەزدەسۋگە قاتىسقان ەقىۇ وكىلى مارتين سايديك دە راستادى. ول سونىمەن بىرگە جۋرناليستەرگە دونباستاعى بەزەندىرىلگەن شىرشانى كورسەتىپ، بۇل بەيبىتشىلىكتىڭ بەلگىسى بولسىن دەگەن تىلەك ايتتى. الايدا ول ۋكراينانىڭ شىعىسىنداعى ۇرىس ايماعىنىڭ قاۋىپسىزدىگىنە الاڭدايتىنىن دا جاسىرمادى.

بۇل كەزدەسۋدە قول جەتكىزگەن ماڭىزدى شەشىمنىڭ ءبىرى تۇتقىنعا تۇسكەندەردى بوساتۋ دەپ اتاپ ءوتتى ەقىۇ وكىلى. ازىرگە ۇرىس ايماعىندا مينسك كەلىسىمى ءالى تولىق جۇزەگە اسپاي وتىر. 

اباي-اقپارات