قۇجات بۇعان قوسا، اقپارات قۇرالدارىنىڭ تەراكت جايلى ەگجەي-تەگجەيلى اقپارات تاراتۋ قۇقىعىن شەكتەيدى.

جاڭا زاڭ اقپارات قۇرالدارىن "ەلىكتەۋ تۋدىرۋى مۇمكىن" تەررورلىق ارەكەتتەرمەن بايلانىستى مالىمەتتەردى تاراتۋعا تىيىم سالادى جانە "قاتىگەز ءارى ادامگەرشىلىككە جاتپايتىن" كورىنىستەردى كورسەتۋىن شەكتەيدى.

زاڭ 1 قاڭتاردان باستاپ كۇشىنە ەنەدى. بۇل قۇجات قابىلدانباي جاتىپ باتىس ەلدەرىندە سىنعا ىلىككەن ەدى. اقش پرەزيدەنتى باراك وباما مەن مەملەكەتتىك دەپارتامەنت شەتەلدىك كومپانيالاردان ەلدە جۇمىس ىستەۋى ءۇشىن قىتاي ۇكىمەتىنە حابارلامالاردى وقۋعا مۇمكىندىك بەرەتىن شيفرلاۋ كىلتىن بەرۋ تالابىنا اشىق قارسى شىققان. باتىس ەلدەرى "زاڭ ادام قۇقىعى مەن ءسوز بوستاندىعىنا قاۋىپ ءتوندىرىپ، قىتايداعى وزگەشە ويلاۋدى باسىپ-جانىشتاۋ ارەكەتىن جەڭىلدەتەدى" دەگەنگە ساياتىن پوزيتسيا ۇستانىپ وتىر.