سايرام اۋدانىنىڭ شارۋالارى اۋدان تۇرعىندارى مەن وبلىس حالقىن مال جانە ەگىستىك ونىمدەرىمەن قامتاماسىز ەتىپ وتىرعان اۋدانداردىڭ ءبىرى. بۇل اۋداننىڭ  ديقاندارى قاجىرلى ەڭبەگىنىڭ ارقاسىندا 11 ايدىڭ قورىتىندىسى بويىنشا 35 860 توننا ءداندى-داقىل جيناپ، ورتاشا ەسەپپەن ءار گەكتارىنان 22 تسەنتنەردەن ءونىم الدى. سونداي-اق، جەرگىلىكتى ديقاندار 108 مىڭ توننا كوكونىس (قيار، قىزىناق، پياز، قىرىققابات، ءسابىز، بولگار بۇرىشى) ونىمدەرىن جيناسا، 47 مىڭ توننا كارتوپ، 2760 توننا جەمىس-جيدەك، 3200 توننا ءجۇزىم، 1541 توننا باقشا داقىلدارىن العان. ال جينالعان مال ازىعىنىڭ كولەمى 208 مىڭ توننادان اسادى. بۇل وتكەن جىلمەن سالىستىرعاندا 13 500 تونناعا ارتىق.

وسى جىلى ەگىس القاپتارىندا ەڭبەك ەتىپ جۇرگەن اگروقۇرىلىمدارعا جەڭىلدەتىلگەن باعامەن 3144 توننا تىڭايتقىش پەن 1755 توننا جانار-جاعارماي بەرىلدى. سونىمەن قاتار، 2015 جىلى اۋدان اۋماعىندا ورنالاسقان 2945 اگروقۇرىلىمدار 264 ملن. 125 تەڭگە كولەمىندە سۋبسيديا الدى. وسى اتقارىلعان جۇمىستاردى باعامداپ اۋداننىڭ اۋىل شارۋاشىلىعى باعىتىندا قارقىندى دامىپ كەلە جاتقانىن بايقاۋعا بولادى.

Cونىمەن قاتار، قازىعۇرت اۋدانى بىرقاتار سالالار بويىنشا جەتىستىككە جەتىپ، 2015 جىلدى وڭ ناتيجەلەرمەن قورىتىندىلادى. نەگىزىنەن، استىق وسىرۋمەن جانە مال شارۋاشىلىعىمەن اينالىساتىن اۋدان «التىن كۇز 2015» مەرەكەسىندە استىق وندىرۋدەن ءبىرىنشى ورىنعا شىعىپ، 41 مىڭ گەكتاردان استام جەردەن 24 تسەنتنەردەن ءتۇسىم الىپ، 100 891 توننا استىق جينادى. سونىمەن قاتار، اۋدان شارۋالارى ماقسارى وسىرۋدەن ءۇشىنشى ورىن الىپ اۋدان شارۋالارىنىڭ الاجازدايعى ەڭبەگى اقتالدى.

مال شارۋاشىلىعىنا كەلسەك، قازىعۇرتتىقتار وسى جىلى 9 مىڭداي ءىرى قارانى بورداقىلاپ، وتكەن جىلمەن سالىستىرعاندا مىڭ باسقا ارتىق جەمدەدى. «سىباعا» باعدارلاماسى 137,5 پايىزعا، «قۇلان» باعدارلاماسى 125,4 پايىزعا، «التىن اسىق» باعدارلاماسى 120 پايىزعا، جۇرتشىلىق تابىنعا اسىل تۇقىمدى بۇقا ساتىپ الۋ تاپسىرماسى 293,3 پايىزعا ورىندالعان. 

اۋداننىڭ الەۋمەتتىك سالادا دا اتقارىلعان جۇمىستارى بارشىلىق. ماسەلەن، قازىعۇرتتا جىل باسىنان بەرى 2 مىڭنان استام جاڭا جۇمىس ورنى اشىلىپ، جوسپار 114 پايىزعا، تۇراقتى جانە ۋاقىتشا جۇمىسقا 1585 ادام تارتىلىپ جوسپار 131 پايىزعا ورىندالعان.

بالالاردى مەكتەپكە دەيىنگى مەكەمەمەن قامتۋ جۇمىستارى دا اۋداندا جوسپاردان ارتىق ورىندالىپ وتىر. مۇندا «بالاپان» باعدارلاماسى ورىنداۋ ماقساتىندا وسى جىلى 5889 بالانى بالاباقشامەن قامتىپ، جالپى كورسەتكىشتى 80 پايىزعا جەتكىزۋ جوسپارلانسا، بۇگىنگى كۇنگە 5920 ءبۇلدىرشىن مەكتەپكە دەيىنگى مەكەمەگە قابىلدانىپ، جوسپار 80,4 پايىزعا ورىندالعان.

سالالارداعى جەتىستىكتەر مۇنىمەن شەكتەلمەيدى. اۋداندا 5 اۋىلدىق مادەنيەت نىساندارىنىڭ كۇردەلى جوندەۋ، اۋداندىق مادەنيەت سارايىنا اعىمداعى جوندەۋ جۇمىستارى جۇرگىزىلىپ، س.راقىموۆ اۋىل وكرۋگىنە قاراستى كوكىبەل اۋىلىندا جاڭادان 200 ورىندىق مادەنيەت ءۇيى پايدالانۋعا بەرىلدى.

«بيزنەستىڭ جول كارتاسى 2020» باعدارلاماسى بويىنشا 2015 جىلى ءۇش جاقتى كەلىسىم بويىنشا 8 جوبانىڭ قارجىلاندىرىلۋىن ۇيىمداستىرۋ تاپسىرماسى اعىمداعى جىلى 10 جوبا بولىپ، جوسپار 125 پايىزعا ورىندالىپ وتىر. ال يندۋستريالاندىرۋ كارتاسىنا جالپى سوماسى 1647,7 ملن. تەڭگەلىك 5 جوبا ەنگىزىلدى.

 وقو اكىمىنىڭ ءباسپاسوز قىزمەتى