سەيسەنبى, 14 شىلدە 2020
COVID-19 قازاقستاندا. جۇقتىرعاندار — 61755. جازىلعاندار — 35911. قايتىس بولعاندار — 375
بۇ نە مازاق؟ 5518 0 پىكىر 31 جەلتوقسان, 2015 ساعات 00:44

اراق ءىشىپ، ءانۇران ايتامىز با؟

"اكرووسپيششەپروم" جشس وندىرەتىن «دومبىرا» اراعىنىڭ موينىنا قازاق ەلىنىڭ ءانۇرانى جازىلعان ستيكەرلەر ءىلىنىپ، ساتىلىمعا شىعارىلا باستادى، - دەپ جازادى فەيسبۋك الەۋمەتتىك جەلىسىندە Nurka AD ەسىمدى قولدانۋشى.

اراق - القاشتىڭ اسى. سوندا مۇنىمەن "اكرووسپيششەپروم" نە ايتقىسى كەلەدى؟ "سەنىڭ ءانۇرانىڭ القاشتارعا عانا كەرەك" دەگەنى مە؟ 

بۇل ءانۇراننىڭ اۆتورى كەشە عانا سەكسەن جىلدىعىن تويلاعان قازاقتىڭ اقيىق اقىنى جۇمەكەن ناجىمەدەنوۆ ەدى. بۇل بىرىنشىدەن - جۇمەكەندى قورلاۋ. 

ەكىنشىدەن - ءاننىڭ مۋزىكاسىن جازعان ءشامشى قالداياقوۆتىڭ رۋحىنا جاسالعان قيانات. 

ۇشىنشىدەن - ءماتىندى بۇگىنگى كۇنگە لايىقتاعان تۇڭعىش پرەزيدەنتىمىز نۇرسۇلتان نازارباەۆتى قۇرمەتتەمەۋ.

ماسەلە، اۆتورلاردا عانا ەمەس. كۇللى قازاقتى، قالا بەردى قازاقستاندىقتاردى ۇياتقا قالدىرىپ، مازاققا اينالدىرارلىقتاي نە جازىعىمىز بار ەدى؟. 

الەمدىك سايىستاردا قازاقتىڭ ءانۇرانىن شاتاستىرىپ قويۋ سانگە اينالعالى قاشان؟ ولار وسى ارقىلى ءبىزدىڭ تاۋەلسىزدىگىمىزدى مويىنداعىسى كەلمەيتىنىن اڭعارتىپ ءجۇر.

ال، ەندى وسىنداي كەزەڭدە "حارام سۋ" شىعارعىشتار ءانۇراندى اياق-استى ەتىپ جاتسا، ولاردا ناقتى ماقسات بار دەگەن ءسوز.  

بىزدە "مەملەكەتتىك رامىزدەردى قورعاۋ" تۋرالى زاڭ بار. سول زاڭنىڭ اياسىندا "حارام سۋعا" ءانۇران جازعىشتاردى جازالاۋ قاجەت. ءسىز نە دەيسىز؟ 

ءشارىپحان قايسار

Abai.kz

0 پىكىر