سەنبى, 8 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
بىلگەنگە مارجان 3815 0 پىكىر 5 قاڭتار, 2016 ساعات 06:36

بالا بويىنداعى تالانتتى اشۋدىڭ 9 سىرى

كەز كەلگەن اتا-انا بالاسىنىڭ اقىلدى جانە دارىندى بولعانىن قالاعانىمەن، بالانىڭ قابىلەتى بارىندە بىردەي بولا بەرمەيدى. ءتىپتى كەيبىر اتا-انالار بالانىڭ بويىنداعى جوق دارىندى قولدان جاساعىسى كەلەدى. بۇل قانشالىقتى دۇرىس؟ نازارلارىڭىزعا جاس وسكىننىڭ بويىنان بايقالعان دارىندى قالاي دامىتۋعا بولاتىنى جايلى كەڭەستەردى ۇسىنامىز.

1. بالا بويىنداعى تالانتتى 2 جاستان باستاپ دامىتۋعا بولادى. ءسابي الەمدەگى قۇبىلىستاردى كورۋ جانە ەستۋ ارقىلى قابىلدايدى. سوندىقتان اينالاداعى ءاربىر قۇبىلىستى ولاردىڭ نازارىنان قالدىرماي ءتۇسىندىرىپ وتىرۋدا ەرىنشەكتىك تانىتپاڭىز.

2. ويىنشىق تاڭداعاندا ويدى دامىتۋعا ارنالعاندارىن الۋعا ارەكەت جاساڭىز.

3. ويىنشىقتار بالانىڭ جاسىنا سايكەس بولسىن. ويدى دامىتاتىن ويىنشىقتارمەن تۇسكە دەيىن، تۇستەن كەيىن شىعارماشىلىق ويدى دامىتۋعا ارنالعاندارىن بەرىڭىز.

4. بالامەن قارىم-قاتىناس ەركىن، انىق، تۇسىنىكتى جانە جىلى بولسىن.

5. بالالار ويناپ جاتقاندا كەدەرگى جاساماڭىز. ءوز ويى جانە قيالىمەن بولسىن.

6. وقۋ جانە جازۋدى ۇيرەنگەن كەزدە ويدان ەرتەگى قۇراستىرىپ ايتىپ بەرىڭىز. مۇمكىن بالادان جاقسى جازۋشى شىقپاسىنا كىم كەپىل؟

7. ەگەر بالاڭىز وزىنە نە كەرەك ەكەنىن انىقتاي الماسا، ءتۇرلى ۇيىرمەلەرگە جازدىرىڭىز. سپورت، شىعارماشىلىق، تەحنيكا وسىلار ارقىلى ول ءوزىنىڭ جولىن تاڭداۋعا مۇمكىندىك الادى.

8. جەتىستىكتەرىن ماقتاپ وتىرۋدى ۇمىتپاڭىز.

9. ۋاقىتتى كوبىرەك بىرگە وتكىزۋگە تىرىسىڭىز. ونىڭ جان دۇنيەسىنە نە كەرەك، قيىن كەزدە قالاي كومەكتەسۋ كەرەك؟ بۇلاردىڭ بارىنەن حاباردار بولىپ وتىرىڭىز. اتا-اناسىنىڭ ماحابباتى، جىلۋلىعى بالاعا سەنىم بەرەدى.

inform.kz

0 پىكىر