سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
ەل ءىشى... 3406 0 پىكىر 26 قاڭتار, 2016 ساعات 12:27

گۇلجان ىزتايعا جاۋاپ: جالعان اقپارات جارعا جىعادى

«Abai.kz» بۇل – ەركىن اقپارات الاڭى. وي جارىستىرىپ، پىكىر تالاستىرۋ وقىرمان قاۋىمنىڭ ەنشىسىندە.

ەستەرىڭىزدە بولسا، 2015 جىلدىڭ 26-قاراشاسىندا سايتىمىزدا گۇلجان ءىزتاي ەسىمدى ازاماتشانىڭ «جەڭىلدىكپەن بەرىلەتىن پاتەردىڭ كىلتى كىمدەردە؟» اتتى ماقالاسى جارىق كورگەن بولاتىن.

جاقىندا «Abai.kz» پورتالىنىڭ رەداكتسياسىنا استانا قالاسى، ر.قوشقارباەۆ داڭعىلى 45/1 جانە ايناكول كوشەسى 56/1 ءۇيىنىڭ تۇرعىندارى اتىنان "قورعاۋشى" ەسىمدى ازامات ء(وزىنىڭ سۇراۋى بويىنشا ەسىمى بۇركەنشەك اتپەن جاريالاندى)قوڭىراۋ شالدى.

سايتىمىزدا جاريالانعان گۇلجان ءىزتايدىڭ ماقالاسىنان كەيىن استانالىق ءبىر توپ تۇرعىن جوعارىداعى ماقالاعا قاتىستى ءوز ۋاجدەرىن ايتىپ، تومەندەگىدەي حات جولداپتى.

قۇرمەتتى ABAI.KZ اقپاراتتىق پورتالىنىڭ رەداكتسياسى!

2015 جىلعى 26 قاراشادا سىزدەردىڭ سايتتارىڭىزدا «جەنىلدىكپەن بەرىلەتىن پاتەردىڭ كىلتى كىمدەردە؟» دەگەن تاقىرىپپەن گۇلجان ءىزتايدىن ماقالاسى جاريالاندى. بەرىلگەن ماقالادا باياندالعان اقپارات شىندىققا جاناسپايدى، جالعان بولىپ تابىلادى.

ماقالادا اتالعان استانا قالاسى، ر. قوشقارباەۆ داڭعىلى 45 جانە 45/1 مەكەنجايى بويىنشا ورنالاسقان تۇرعىن ۇيلەر قازاقستان رەسپۋبليكاسى ۇكىمەتىنىڭ 2012 جىلعى 21 ماۋسىمداعى № 821 قاۋلىسىمەن بەكىتىلگەن «قولجەتىمدى تۇرعىن ءۇي-2020» باعدارلاماسى بويىنشا «حالىقتىڭ بارلىق ساناتتارى ءۇشىن» باعىتى بويىنشا «قازاقستاننىڭ تۇرعىن ءۇي قۇرىلىس جيناق بانكى» اق سالىمشىلارى ءۇشىن سالىنعان ۇيلەر بولىپ تابىلادى.

«قازاقستاننىڭ تۇرعىن ءۇي قۇرىلىس جيناق بانكى» اق سايتىندا اتالعان كوپپاتەرلى تۇرعىن ءۇي كەشەنى 068 وبەكتىسىنىڭ كودىمەن، استانا قالاسىنداعى جۇماباەۆ كوشەسى مەن قورداي كوشەسى اراسىنداعى ايناكول كوشەسى مەكەنجايىمەن كورسەتىلگەن. ءاربىر قالاعان ادام وسى اقپاراتپەن www.hcsbk.kz سايتى ارقىلى تانىسا الادى.

بەرىلگەن ۇيلەردەگى پاتەرلەردى «قازاقستاننىڭ تۇرعىن ءۇي قۇرىلىس جيناق بانكى» اق سالىمشىلارى پۇلعا قاتىسا وتىرىپ بانك شوتتارىنداعى جىلدار بويى جيناقتالعان ءوز قارجىلارى ەسەبىنەن ساتىپ الدى. بۇل پاتەرلەر  پاتەر يەلەرىنىڭ مەنشىگى بولىپ تابىلادى جانە پاتەر يەلەرى وزدەرىنە بەرىلگەن قۇقىق بويىنشا تيەسىلى مۇلىكتى پايدالانۋعا جانە بيلىك ەتۋگە قۇقىلى. باعدارلاما شەڭبەرىندە ءبىر عانا شەكتەۋ بار – مەنشىك يەسى ساتىپ العان كەزدەن باستاپ ەكى جىل بويى پاتەردى يەلىكتەن شىعارۋعا (ساتۋعا، سىيلاۋعا، ايىرباستاۋعا) قاقىلى ەمەس.

«قازاقستاننىڭ تۇرعىن ءۇي قۇرىلىس جيناق بانكى» اق بانك ونىمدەرىمەن تانىستىرۋ بويىنشا قازاقستان حالقىمەن جۇمىستى اۋقىمدى تۇردە جۇرگىزۋدە، سونىمەن قاتار رەسپۋبليكانىڭ ءاربىر ازاماتى قازاقستان رەسپۋبليكاسىنىڭ زاڭدارىمەن تانىسۋعا ەركىن قولجەتكىزە الادى، وسى كۇنگە دەيىن بۇل سالادا ساۋاتسىز بولىپ قالۋعا جول بەرىلمەگەن.

جەرگىلىكتى اتقارۋشى ورگاننىڭ كەزەكتە تۇرۋشىلار تىزىمىندە تۇرعان (اكىمدىكتەردە) تۇرعىن ءۇيدى جالداۋشىلار مەن مەملەكەتتىك تۇرعىن ءۇي قورىنان تۇرعىن ءۇي العانداردىڭ قۇقىقتارى مەن مىندەتتەرى تۇرعىن ءۇيدىڭ مەنشىك يەلەرىنىڭ قۇقىقتارىمەن جانە مىندەتتەرىمەن تەڭ ەمەس.

جاريالانعان ماقالا حالىقتى شاتاستىرادى، وكىلەتتىكتەرىنە مەملەكەتتىك تۇرعىن ءۇي قورىنان تۇرعىن ءۇيدى ءبولۋ جانە ونى باقىلاۋ كىرەتىن مەملەكەتتىك ورگانداردىڭ بەدەلىن تۇسىرەدى.

ر. قوشقارباەۆ داڭعىلى 45/1 جانە ايناكول كوشەسى 56/1 ءۇيىنىڭ تۇرعىندارى

Abai.kz

0 پىكىر