قىرعىز پرەزيدەنتى اكىمشىلىگىنىڭ جەتەكشىسى فاريد نيازوۆ ساراپشىلار توبىنا 2016 جىلدىڭ ماۋسىمنىڭ 1-نە دەيىن قىرعىزستاننىڭ اقپاراتتىق ساياساتىنىڭ جوباسىن ازىرلەۋدى تاپسىردى.

ورتالىق ازيا جاڭالىقتارى قىزمەتىنە بۇل تۋرالى پرەزيدەنت اكىمشىلىگىنىڭ اقپاراتتىق ساياسات ءبولىمىنىڭ باسشىسى الماز ۇسەنوۆ حابارلادى.

ونىڭ ايتۋىنشا، تۇعىرناما جوباسىنا ەلدىڭ اقپاراتتىق كەڭىستىگىن دامىتۋعا بايلانىستى جۇمىستاردىڭ باعىتىن ەنگىزۋ، سونىمەن بىرگە زامان تالاپتارىنا ساي اقپارات جيناۋ، جاساۋ جانە تاراتۋعا قاتىستى بارلىق ماسەلەنى قامتۋ جانە بۇل ورايدا ءسوز بوستاندىعى قاعيدالارى مەن اقپاراتتىق قاۋىپسىزدىك تالاپتارىن ەسكەرۋ سەكىلدى تالاپتار قويىلعان.

ساراپشىلاردىڭ جۇمىس توبىنا ازاماتتىق قوعام، مەملەكەتتىك ورگاندار جانە بۇقارالىق اقپارات قۇرالدارى وكىلدەرىنەن ىرىكتەلگەن 16 ادام كىرەدى.

Abai.kz