بۇگىن وسىنداعى دوستارىم تالقىلاپ جاتقان نەگىزگى تاقىرىپ - ەلباسىمىز ن.ءا.نازارباەۆتىڭ الماتىداعى جيىندا ورىس تىلىنە قاتىستى بىلدىرگەن پىكىرى ەكەن.

مۇنداعى قازاقتىلدى دوستارىمنىڭ كوپشىلىگى "ويباي، پرەزيدەنت قازاق ءتىلىن - ورىس ءتىلىنىڭ استىنا جىعىپ بەردى! قۇرىدىق، بىتتىك" دەپ بايبالام سالسا، ءورىستىلدى اۋديتوريا ء"بىزدىڭ ءتىلدىڭ مارتەبەسىن اسىردى، بولدى ەندى كەز-كەلگەن جەردە ورىسشا سويلەي بەرەمىز" دەپ بورىكتەرىن اسپانعا اتىپ الاقايلاپ جاتىر. ەكى تاراپ وكىلدەرىنىڭ كوزگە كورىنىپ تۇرعان ورەسكەل قاتەلەرى - تاقىرىپقا قاتىستى زاڭ باپتارىمەن بەيتانىستىعى. ەندى، قر كەز-كەلگەن لاۋازىمدى تۇلعادان جوعارى تۇراتىن كونستيتۋتسياسى، زاڭى نە دەيدى ەكەن، سوعان توقتالايىق...

«قازاقستان رەسپۋبليكاسىنداعى ءتىل تۋرالى» قر زاڭىنىڭ 24 بابىنا سايكەس، لاۋازىمدى ادامنىڭ مەملەكەتتىك ءتىلدى بىلمەيمىن دەگەن جەلەۋمەن ارىزدى قابىلداۋدان باس تارتقانى ءۇشىن جانە باسقا دا جولدار ارقىلى مەملەكەتتىك ءتىلدىڭ قولدانىلۋىنا كەدەرگىلەر جاساعانى ءۇشىن زاڭ اكتىلەرىمەن جاۋاپكەرشىلىك كوزدەلگەن. اتالعان باپقا سايكەس، جاۋاپكەرشىلىك مەنشىك نىسانىنا قاراماستان، مەكەمەنىڭ ءبىرىنشى باسشىسىنا جۇكتەلگەن. وعان قوسا، 2007 جىلى مۇحتار شاحانوۆ باس بولىپ وزگەرىس ەنگىزگەن زاڭ جوباسىنا سايكەس، كەز-كەلگەن مەملەكەتتىك قىزمەتكەر ءوزى قىزمەت اتقاراتىن مەكەمەگە جۇگىنگەن ازاماتتىڭ حاتىنا (وتىنىشىنە، ارىزىنا، ت.ب.) مەملەكەتتىك تىلدە نەمەسە سول جۇگىنگەن تىلدە جاۋاپ بەرۋگە ەرىكتى (ورىسشا ايتقاندا "نا سۆوە ۋسموترەنيە"). 

ونىمەن قاتار، «تۇتىنۋشىلاردىڭ قۇقىقتارىن قورعاۋ تۋرالى» قر 2010 جىلدىڭ 4 مامىرىنداعى №274-IV زاڭىنىڭ 24 بابىنىڭ، 1-تارماعىنا سايكەس، «ساتۋشى (دايىنداۋشى، ورىنداۋشى) تاۋار (جۇمىس، كورسەتىلەتىن قىزمەت) تۋرالى، سونداي-اق ساتۋشى (دايىنداۋشى، ورىنداۋشى) تۋرالى قازاق جانە ورىس تىلدەرىندە اقپارات بەرۋگە مىندەتتى». ەندى قاساڭ تىلمەن جازىلعان وسى باپتاردى "جالپاق تىلمەن" "تاپسىرلەيىك"...

ەگەر، ءسىز كەز كەلگەن مەملەكەتتىك مەكەمەگە مەملەكەتتىك قازاق تىلىندە ءوتىنىش نەمەسە ارىز بىلدىرسەڭىز، سىزگە سول مەملەكەتتىك تىلدە جاۋاپ بەرۋگە مىندەتتى. 

ەندى مەملەكەتتىك ەمەس (كوممەرتسيالىق، كوممەرتسيالىق ەمەس) مەكەمەلەر دە ءسىز قاي تىلدە جۇگىنسەڭىز (حات جازساڭىز) - سول تىلدە جاۋاپ بەرۋگە مىندەتتى. وعان ەكىنشى كەلتىرگەن قر «تۇتىنۋشىلاردىڭ قۇقىقتارىن قورعاۋ تۋرالى» زاڭى مىندەتتەيدى. سوندىقتان، قۇر شۋلاي بەرمەي، قولدانىستا بار زاڭ باپتارىنا سۇيەنىپ، ارەكەت ەتە بەرگەن دۇرىس.

نۇراددين سادىقوۆ

Facebook-تەگى پاراقشاسىنان