قۇربان ايت قۇرمەتىنە شاعىن فۋتبولدان جارىس ءوتتى، - دەپ حابارلايدى قمدب-نىڭ ءباسپاسوز قىزمەتى. 

بۇگىن الماتىدا قاسيەتتى قۇربان ايت مەرەكەسى مەن قازاق حاندىعىنىڭ 550 جىلدىعىنا وراي جاستار اراسىندا شاعىن فۋتبولدان جارىس ءوتتى. سپورتتىق باسەكە «Football Land» سپورت كەشەنىندە جالاۋىن كوتەردى. شارانىڭ ۇيىمداستىرىلۋىنا قازاقستان مۇسىلماندارى ءدىني باسقارماسى مەن الماتى ورتالىق مەشىتى اتسالىستى. سايىستا الماتى قالاسىنىڭ اۋدان مەشىتتەرىنەن كەلگەن 8 كوماندا ءوزارا جارىسقا ءتۇسىپ، مىقتىلارىن انىقتادى.

«وسى تاۋەلسىز مەملەكەتىمىزدىڭ ەرتەڭگى بولاشاعى، ەلدىڭ تىرەگى بولىپ ەسەپتەلەتىن قازىرگى جاستارىمىزدىڭ يماندىلىققا دەگەن بەتبۇرىسى كوڭىل قۋانتادى. تاۋەلسىز مەملەكەتىمىزدىڭ بولاشاعىن ويلايتىن، وزىنە سەنىم ارتاتىن ازاماتتار يسلام ءدىنىنىڭ قۇندىلىقتارىن بويىنا سىڭىرگەن يماندى جاستاردان شىعاتىنى ءسوزسىز. سول اسىل قۇندىلىقتاردىڭ ءبىرى مۇسىلمانداردىڭ اراسىنداعى باۋىرمالدىق. اللا تاعالا قاسيەتتى قۇران كارىمدە: «شىن مانىندە مۇسىلماندار باۋىرلار»، – دەيدى. ءدىني باسقارما تاراپىنان قولعا الىنىپ وتىرعان بۇل شارا جاستاردىڭ بويىنا ۇلتتىق سانا مەن وتانسۇيگىشتىك قاسيەتتى ءسىڭىرۋ، جاستاردىڭ ءبىر-بىرىنە دەگەن باۋىرماشىلدىعى مەن مەيىرىمدىلىگىن ارتتىرۋ ماقساتىندا ۇيىمداستىرىلىپ وتىر»، – دەدى باس ءمۇفتي ەرجان قاجى مالعاجىۇلى.

تارتىسقا تولى ويىننىڭ ناتيجەسىندە ناۋرىزباي اۋدانى 1 ورىندى يەلەنسە، 2 ورىن تۇركسىب اۋدانى كومانداسىنىڭ ەنشىسىندە، ال جارىستىڭ 3 ورىنىندا مەدەۋ اۋدانىنىڭ كومانداسى تۇراقتادى. ءبىرىنشى ورىندى يەلەنگەن كومانداعا 60 مىڭ تەڭگە كولەمىندە، ەكىنشى ورىنعا 40 مىڭ تەڭگە، ال ءۇشىنشى جۇلدەلى ورىنعا 20 مىڭ تەڭگەدەن سىيلىق بەرىلدى.

بۇعان قوسا، جارىس شەڭبەرىندە ۇزدىك قاقپاشى، ۇزدىك شابۋىلشى جانە ۇزدىك قورعاۋشى نوميناتسيالارى بويىنشا ۇزدىكتەر انىقتالىپ، ماقتاۋ قاعازى جانە باعالى سىيلىقتارمەن ماراپاتتالدى.

Aباي-اقپارات