3 مىڭعا جۋىق ميگرانت كوش بارىسىندا قايتىس بولعان، - دەپ حابارلايدى اباي-اقپارات.

بۇۇ-نىڭ بوسقىندار جونىندەگى مەكەمەسىنىڭ اقپاراتى بويىنشا، وسى جىلى ەۋروپاعا كەلگەن ميگرانتتار سانى جارتى ميلليوننان اسادى. ونىڭ كوبى سيريالىقتار. بۇل 2014 جىلمەن سالىستىرعاندا ەكى ەسەگە كوپ.

اتالعان حالىقارالىق ۇيىمنىڭ مالىمەتى بويىنشا، ەۋروپاعا تەڭىز ارقىلى جەتكەندەر سانى 520 مىڭنان اسادى. ولاردىڭ 400 مىڭعا جۋىعى گرەتسيا ارقىلى كەلگەن. شامامەن 3 مىڭعا جۋىق ادام تەڭىزدە سۋعا باتىپ قايتىس بولعان نەمەسە ءىز-ءتۇسسىز جوعالىپ كەتكەن.

سيرياداعى اسكەري شيەلەنىستەن كەيىن 2011 جىلدان باستاپ 4 ميلليونعا جۋىق ادام ەلىن تاستاپ كەتۋگە ءماجبۇر بولعان. 7 ميلليونعا جۋىعى ىشكى ەلدى-مەكەندەرگە كوشكەن.

سوڭعى ۋاقىتتا ەۋرووداق اراسىندا جاپپاي ميگرانتتاردىڭ كوشىنە بايلانىستى ءوزارا قايشىلىقتار ورىن الىپ جاتىر.

اباي-اقپارات