سارسەنبى, 28 قازان 2020
COVID-19 قازاقستاندا. جۇقتىرعاندار — 110832. جازىلعاندار — 105883. قايتىس بولعاندار — 1825
جاڭالىقتار 4943 0 پىكىر 5 قازان, 2015 ساعات 09:01

گۇلبارشىن تەرگەۋبەكوۆانىڭ "ماڭگىلىك ەل" كونتسەرتىنە شاقىرامىز!

قادىرلى الماتىلىقتار جانە قالا قوناقتارى!

سىزدەردى قازاق ەستراداسىنىڭ جارىق جۇلدىزى،الاش ساحناسىنىڭ كورنەكتى وكىلى، ءداستۇرلى اندەردىڭ دارىندى ورىنداۋشىسى، "قۇرمەت" وردەنىنىڭ يەگەرى، "قاسىمنىڭ اندەرى-اي", "اباي اندەرى", "الماتى – عاشىقتار مەكەنى" اتتى جوبالاردىڭ نەگىزىن قالاۋشى جانە جەتەكشىسى، حالقىمىزدىڭ اياۋلى قىزى گۇلبارشىن تەرگەۋبەكوۆانىڭ

                            "ماڭگىلىك ەل"

     اتتى كونتسەرتىنە شاقىرامىز.

ءان كەشىنە ەسترادا جۇلدىزدارى قاتىسادى. ستسەناري اۆتورى جانە شىعارماشىلىق كەڭەسشىسى – قازاقستاننىڭ ەڭبەك سىڭىرگەن قايراتكەرى ديدار امانتاي. 

 

      مەكەنجايىمىز: الماتى قالاسى، "رەسپۋبليكا سارايى"

       ۋاقىتى: قاراشانىڭ 19-شى جۇلدىزىندا، ساعات 19.00-دە

 


;feature" type="application/x-shockwave-flash">;feature" />

 

                          ۇلى دالا ءانشىسى

حالىقارالىق جانە رەسپۋبليكالىق كونكۋرستاردىڭ لاۋرەاتى، ءانشى، پروديۋسەر، "قاسىمنىڭ اندەرى-اي", "اباي اندەرى", "الماتى – عاشىقتار مەكەنى" اتتى اتتى كونتسەرتتىك جوبالاردىڭ نەگىزىن قالاۋشى جانە جەتەكشىسى، حالقىمىزدىڭ اياۋلى پەرزەنتى گۇلبارشىن ىبىرايقىزى تەرگەۋبەكوۆا 1971 جىلى 04 ناۋرىزدا قارقارالى باۋرايىندا جاتقان، قاراعاندى وبلىسىنا قاراستى اۋدان ورتالىعى – ەگىندىبۇلاقتا دۇنيەگە كەلگەن.

گۇلبارشىننىڭ التىنشى ارعى باباسى – قازاقتىڭ اتاقتى توبە بيلەرىنىڭ ءبىرى – قاز داۋىستى قازىبەك بي.

 

گۇلبارشىن 1978-1988 جىلدارى بۇقار جىراۋ اۋدانىنا قاراستى امانگەلدى اۋىلىندا ورتا مەكتەپتە وقىپ، ەكى جىلعا جۋىق ارادا قارقارالى اۋداندىق (قالالىق) مادەنيەت ءۇيى مەن ساكەن سەيفۋللين اتىنداعى قاراعادى وبلىستىق دراما تەاترىندا اكىمشىلىك-ۇيىمداستىرۋشى قىزمەتىندە بولادى.

1990 جىلى ول قۇرمانعازى اتىنداعى الماتى كونسەرۆاتورياسىنا وقۋعا تۇسەدى. ونى 1995 جىلى ۆوكال (حالىق ءانى مەن دومبىرا) ماماندىعى بويىنشا ءبىتىرىپ شىعادى.

كەيىنگى جىلدارى، 2000 جىلدارعا دەيىن ت.جۇرگەنوۆ اتىنداعى تەاتر جانە كينو ينستيتۋتىندا ءوز ماماندىعى بويىنشا ءدارىس بەرەدى.

سوڭعى جىلدارى (ون بەس جىل بويى) گۇلبارشىن تەرگەۋبەكوۆا تەك شىعارماشلىقپەن اينالىسىپ كەلەدى. 

ونىڭ رەپەرتۋارىندا قۇيقىلجىعان ارقا اندەرىمەن قاتار بۇگىنگى زاماناۋي ەسترادالىق اندەر بار.

گۇلبارشىننىڭ ورىنداۋىندا ءبىرجان سال، اقان سەرى، بالۋان شولاق، ەستاي، ءمادي، مايرا، ۇكىلى ىبىراي، قاسىم امانجولوۆ، ءشامشى قالداياقوۆ، ەسكەندىر حاسانعاليەۆ، اسەت بەيسەۋوۆ ءتارىزدى كلاسسيكالىق ءداۋىردىڭ جانە زاماناۋي كومپوزيتورلاردىڭ اندەرى اسا ءبىر حالىقتىق ورىنداۋشىلىق سيپاتقا يە بولادى.

2012 جىلدان باستاپ گۇلبارشىن تەرگەۋبەكوۆا "قاسىمنىڭ اندەرى-اي", 2015 جىلدان باستاپ "اباي اندەرى" اتتى كونتسەرتتىك جوبالاردى قولعا الا باستادى. ەندىگى كەزەكتە "الماتى – عاشىقتار مەكەنى" اتتى ۇجىمدىق كونتسەرت جوباسى تۇر.  

0 پىكىر