قازان ايىنىڭ 6-سى مەن 15-ءى ارالىعى كاتار استاناسى دوحا قالاسىندا بوكستان ەرەسەكتەر اراسىنداعى الەم چەمپيوناتى وتەدى. اتالعان سىندا 2016 جىلعى وليمپيادا ويىندارىنىڭ جولدامالارى ساراپقا سالىنباق.

الەم چەمپيوناتىنا دايىندىقتى قۇرامىندا قازىرگى الەم، ازيا جانە ازيادا چەمپيوندارى دانيار ەلەۋسىنوۆ، جانىبەك ءالىمحانۇلى جانە جۋىردا عانا اياقتالعان ازيا چەمپيوناتىنىڭ جەڭىمپازدارى ولجاس ساتتىباەۆ، ادىلبەك نيازىمبەتوۆ، ۆاسيلي لەۆيت جانە يۆان دىچكو بار قازاقستان قۇراماسى باس باپكەر مىرزاعالي ايتجانوۆتىڭ جەتەكشىلىگىمەن پىسىقتاعان بولاتىن.

قازاقستان قۇراماسىنىڭ تولىق قۇرامى:

-         52 كەلى - ولجاس ساتتىباەۆ

-         56 كەلى - قايرات ەراليەۆ

-         60 كەلى- زاكير سافيۋللين

-         69 كەلى - دانيارەلەۋسىنوۆ

-         75 كەلى - جانىبەك ءالىمحانۇلى

-         81 كەلى - ادىلبەك نيازىمبەتوۆ

-         91 كەلى - ۆاسيلي لەۆيت

+     91 كەلى - يۆان دىچكو.

«قازاقستان» ۇتا مەن «Kazsport» تەلەارناسى بوكستان وتەتىن الەم چەمپيوناتىن 6 قازان كۇنى باستالاتىن العاشقى اينالىم سىندارىنان باستاپ اقتىق سىندار وتەتىن 15-ءشى قازانعا دەيىن تولىعىمەن كورسەتپەك. 

العاشقى اينالىم سىندارى مەن شيرەك فينالدىق كەزدەسۋلەر «Kazsport»تەلەارناسىنىڭ ەفيرىنە جوسپارلانعان. ال جارتىلاي فينالدىق جانە فينالدىق جەكپە-جەكتەردى كورەرمەندەر «قازاقستان» ۇلتتىق ارناسىنىڭ تىكەلەي ەفيرىنەن كورە الادى دەپ حابارلايدى «قازاقستان» رترك» اق ءباسپاسوز-قىزمەتى.

Abai.kz