سارسەنبى, 22 مامىر 2024
ءداستۇر 7560 0 پىكىر 30 قازان, 2015 ساعات 11:10

ءوتىپ كەتكەن كونتسەرتتىڭ بيلەتىن نەگە ساتىپ الامىز؟

نۇرتاس ايداربەكوۆتىڭ كونتسەرتى 20-قازاندا وقو، سارىاعاش اۋدانى اباي قالاسىندا اباي مادەنيەت ۇيىندە وتكەن. ءار بيلەتتىڭ قۇنى مىڭ تەڭگەدەن بولعان. وسى ءوتىپ كەتكەن كونتسەرتتىڭ بيلەتتەرىن سارىاعاش اۋدانىنا قاراستى اۋىل مەكتەپتەرىنە اپارىپ ساتىپ جاتىر ەكەن. مۇعالىمدەر ء«وتىپ كەتكەن كونتسەرتتىڭ بيلەتىن نەگە ساتىپ الۋىمىز كەرەك» دەگەن سۇراققا جاۋاپ تابا الماي وتىرعان كورىنەدى.   

اۋىل مەكتەپتەرىندەگى مۇعالىمدەر ونسىز دا «بولماشىعا اقشا جيناعىشتار» توبى بولىپ سانالعالى قاشان؟. ال مىنا جايت كوپتەن شيرىعىپ جۇرگەن مۇعالىمدەردىڭ شامبايىنا قاتتى باتتى. ءوتىپ كەتكەن كونتسەرتتىڭ بيلەت قۇنىن مۇعالىمدەر قالتاسىنان الۋ دەگەنىڭىز بارىپ تۇرعان باسىنۋ ەمەس پە؟! اۋىل مەكتەپتەرىنىڭ ءبىرى سارىاعاش اۋدانى №77 س.سەيفۋللين اتىنداعى مەكتەپكە دە وسى بيلەتتەردى اكەپ تىقپالاعان. مەكتەپتەردە بۇدان وزگە دە سوراقىلىقتار بولىپ تۇرادى. ەڭ تانىمال سوراقىلىق – كەلمەگەن كوميسسياعا اقشا جيىپ بەرۋ. ءبىزدىڭ مەكتەپ تەكسەرگىش كوميسسيالارىمىزدىڭ نەگىزگى ماقساتى – مەكتەپتىڭ كەم كەتىگىن تۇزەۋ ەمەس، تۇك ىستەمەي پارا جيناپ الىپ، تايىپ تۇرۋ بولعالى قاشان. قالا بەرسە مۇعالىمدەردى ماجبۇرلەپ گازەت-جۋرنالعا جازدىرۋ، اقىن-جازۋشىلاردىڭ جاڭادان شىققان كىتاپتارىن الدىرۋ، ءولىم-جىتىمگە بەلگىلەنگەن مولشەردە اقشا جيناۋ سياقتى جايتتار مۇعالىمدەردىڭ جۇيكەسىن كوبىرەك توزدىرۋدا. ماڭداي تەرمەن تاپقان ناپاقانىڭ ءبىرازى وسىنداي پايداسى جوق اقشا جيناۋ ناۋقاندارىمەن شىعىپ كەتەدى.

وسى جانايقايعا شارا قولداناتىن كىم بار؟! نەگە مۇعالىمدەر ءوتىپ كەتكەن كونتسەرتتىڭ بيلەتىن الۋعا ءتيىس؟ نەگە مەكتەپتى تەكسەرىپ كەلگەن كوميسسيا مۇشەلەرى مۇعالىمدەردىڭ كوزىنە كورىنبەيدى؟ نەگە وعان اقشا جيىپ بەرەدى؟ كوميسسيا ءوز مىندەتىن نەگە ادالىنان اتقارمايدى؟ نەگە مەكتەپ باسشىلارىنا ۇجىمدارى مۇلىك (كىتاپ، جۋرنال، كونتسەرتكە بيلەت، ت.ب. بۇيىمدار) ساتىپ الۋى ءۇشىن اۋدان اكىمدەرى جوعارىدان اۋىزشا بۇيرىق بەرەدى؟ وسى بىلىقتارعا بەلشەدەن باتىپ وتىرسا دا نازار اۋدارعان كىم بار؟! قۇزىرلى ورگاندار مەكتەپ جاعدايىن تۇزەتۋ ءۇشىن باسىن سۇعىپ كوردى مە؟!

بۇگىندە مۇعالىمنىڭ كوڭىل كۇيى تىم تومەن. ول – جەمقور ورتانىڭ قۇربانى. مۇعالىم دەگەن قادىرلى اتىنىڭ وكتەمشىلدەر تاپتاۋرىن عىپ تاستاعانىنا قىنجىلادى. مۇعالىمدىك دارىنىن بالانى وقىتۋعا عانا ەمەس، قالتاسىن قاعۋعا ۇمتىلعان، جانىن جۇلمالاعان باسىنۋشىلارمەن كۇرەسكە دە جۇمساۋعا ءماجبۇر. وسىدان بارىپ جانى جاسىعان، قايراتى از ۇستازدان تاعى قانداي ەرلىك كۇتكىمىز كەلەدى؟!

گۇلجان ءىزتاي، جۋرناليست، جازۋشى

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2272
ادەبيەت

«سولاي ەمەس پە؟»

عابباس قابىشۇلى 2624
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2644
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1716