نازارباەۆ ۇلىبريتانيا حانشايىمىمەن كەزدەستى
4 قاراشادا ۇلىبريتانيا حانشايىمى ەليزاۆەتا II لوندونداعى بۋكينگەم سارايىندا قازاقستان پرەزيدەنتى نۇرسۇلتان نازارباەۆتى قۇرمەت قاراۋىلىمەن قارسى الىپ، كەلىسسوزدەر جۇرگىزدى.
ودان ءبىر كۇن بۇرىن نازارباەۆ ۇلىبريتانيا ۇكىمەت باسشىسى دەۆيد كامەرونمەن كەزدەسىپ، 4,6 ميلليارد دوللار سوماسىندا ەكى جاقتى ساۋدا كەلىسىمىنە قول قويعان. كامەرون بۇل كەلىسىمدى "ەكى مەملەكەت اراسىنداعى ارىپتەستىك دامۋ مەن پروگرەسس"دەپ اتاعان بولاتىن.
بەلسەندىلەر بريتان ۇكىمەتىن ىسكەرلىك قىزىعۋشىلىقتارىن ادام قۇقىقتارىنان بيىك قوياتىنىن ايتىپ سىنعا الدى. الايدا پرەمەر-مينيستر وكىلدەرى نازارباەۆپەن كەزدەسۋ كەزىندە ادام قۇقىقتارى ماسەلەسى كوتەرىلدى دەدى. ەندى نازارباەۆ لوندوننان فرانتسياعا ات باسىن بۇرادى.
اباي-اقپارات
