شاھارداعى «قاۋىپسىز قالا»، «قاۋىپسىز جول» جەدەل-الدىن الۋ اكتسياسى جالعاسۋدا. 10 قاراشا 20:00-05:00 ارالىعىندا شىمكەنتتىڭ ءال-فارابي اۋدانى جول بولىگىندە وتكەن رەيدتتىك شارادا 51 جۇرگىزۋشىنىڭ ۇستىنەن اكىمشىلىك حاتتاما تولتىرىلدى. 7 اۆتوكولىك ايىپتۇراعىنا توعىتىلدى. 10 اۆتوكولىك جۇرگىزۋشىسىنە زاڭدىق ءتۇسىندىرۋ جۇمىستارى جۇرگىزىلدى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتى.

شاھارداعى «قاۋىپسىز قالا»، «قاۋىپسىز جول» جەدەل-الدىن الۋ اكتسياسى جالعاسۋدا. 10 قاراشا 20:00-05:00 ارالىعىندا شىمكەنتتىڭ ءال-فارابي اۋدانى جول بولىگىندە وتكەن رەيدتتىك شارادا 51 جۇرگىزۋشىنىڭ ۇستىنەن اكىمشىلىك حاتتاما تولتىرىلدى. 7 اۆتوكولىك ايىپتۇراعىنا توعىتىلدى. 10 اۆتوكولىك جۇرگىزۋشىسىنە زاڭدىق ءتۇسىندىرۋ جۇمىستارى جۇرگىزىلدى. اتالعان ءىس-شاراعا قالالىق ىشكى ىستەر باسقارماسىنا قاراستى ءال-فارابي اۋداندىق جول پوليتسياسىنىڭ قىزمەتكەرلەرى جۇمىلدىرىلدى. د.قوناەۆ داڭعىلى بويىنداعى تەكسەرۋ شارالارى  بارىسىندا قىزمەتتىك بابىن اسىرا پايدالانعان پوليتسيا قىزمەتكەرلەرىنە جانە مەملەكەتتىك قىزمەتتەگى اعايىن-تۋىسىنان اراشا سۇراعاندار قاتاڭ قاداعالاۋعا الىنىپ، تارتىپكە باعىنباعانى ءۇشىن حاتتاما تولتىرىلىپ، ايىپپۇل سالىندى.

ءتىپتى، ت.رىسقۇلوۆ كوشەسى بويىندا ءبىر ازامات پاگوندىلارعا قارسىلىق تانىتىپ، جاعاسىنا جارماسقان جاعىداي ورىن الدى. ناتيجەسىندە، ءتارتىپ بۇزعان ازاماتتىڭ جەكە باسى انىقتالىپ، ءتيىستى اكىمشىلىك جازاعا تارتىلدى. 

قالا اكىمى ع.ءابدىراحىموۆتىڭ تاپسىرماسىنا ساي جۇرگىزىلىپ جاتقان «قاۋىپسىز قالا» جەدەل-پروفيلاكتيكالىق رەيدتتىك شاراسى الداعى ۋاقىتتا ءالى دە جالعاسىن تابادى. ءتۇنى بويى جول كۇزەتكەن شارانىڭ تۇپكى ماقساتى—قۇقىق قورعاۋ سالاسى قىزمەتكەرلەرىنىڭ قوعام الدىنداعى بەدەلىن قالىپتاستىرۋ،  سول ارقىلى قوعامدىق ورتاداعى زاڭ بۇزۋشىلىقتى ازايتۋ بولىپ تابىلادى.   

Abai.kz