ەر مىنەزدى اعالار
بۇگىن قر ىشكى ىستەر ۆيتسە-ءمينيسترى، پوليتسيا گەنەرال-مايورى ەرلان تۇرعىنباەۆتىڭ قابىلداۋىندا بولدىم. ەرلان زامانبەكۇلىنا جول سىلتەپ، قابىلداۋعا كىرۋىمە مۇرىندىق بولعان قر پارلامەنتى اپپاراتى توراعاسىنىڭ ورىنباسارى سابىر اعا قاسىموۆ.
ىشكى ىستەر ۆيتسە-مينيسترىنە ءبىرىنشى كەزەكتە ماجىلىستەگى جۇمىس توبىنا كەلىپ، كوشى-قون زاڭىنداعى «سوتتىلىققا» بايلانىستى انىقتاما تۋرالى قحر-نىڭ ەلىمىزدەگى ەلشىلىگىنە حات جازىپ، جاۋاپ العان جاۋاپتىلىعى ءۇشىن راحمەتىمىزدى ايتتىق.
سونىمەن بىرگە، جاقىنداعى جاڭالىق - قحر قوعام قاۋىپسىزدىك تاراۋلارى جاعىنان بەرىلمەيتىن 18 ءتۇرلى انىقتاما تۋرالى تۇسىنىك جاسادىق ءارى سول قۇجاتتىڭ ءتۇپ نۇسقاسى مەن بىزگە قاتىستى 14-بابىنىڭ اۋدارماسىن قوسىپ اپارىپ، قولىنا ۇستاتتىق.
سوسىن، تاعى ءبىر ماڭىزدى ماسەلە، جاڭا كوشى-قون زاڭى قولدانىسقا ەنسە، بۇرىن كوشىپ كەلىپ العان، بىراق ەسكى قاتال زاڭنىڭ كەسىرىنەن تۇراقتى تىركەۋگە تۇرا الماي ۆيزاسىنىڭ مەرزىمى ءوتىپ كەتكەن نەشە مىڭداعان قانداستارىمىزدىڭ قيىن تاعدىرىن دا ەسىنە سالدىق. ۆيتسە-مينيستردەن وسى ماسەلەنىڭ كەشىرىممەن، تۇسىنىستىكپەن شەشىلۋىنە ىقپال ەتۋىن وتىندىك.
سوڭعى ءوتىنىش، كوشى-قون پوليتسسياسى باسقارمالارىنىڭ باسشىلارى تۋرالى. وتە - موتە قانداستارىمىزدى قونىستاندىرۋ ماقساتىندا ۇكىمەت ايقىنداعان وڭىرلەردىڭ باسشىلارى مىندەتتى تۇردە مەملەكەتتىك ءتىلدى جەتتىك بىلەتىن، ۇلتىنا جانى اشيتىن، تاجىريبەلى تۇلعالاردان بولسا ەكەن دەگەن تالاپ ارىزىمىزدى دا الدىنا قويدىق. جانە، ەل ورداسى استانا مەن قانداستارىمىز ءجيى قونىستاناتىن ءبىر-ەكى وبلىستىڭ باسقارما باسشىلارى دا وسى تالاپقا ساي ازاماتتاردان بولسا ەكەن دەگەن قانداستار تىلەگىن دە جەتكىزدىك.
جالپى، ەرلان زامانبەكۇلى ناعىز ءىستىڭ ادامى. ايتقانىن ورىنداي بىلەتىن، كەسكىن جىگىت!
ەرەكەڭ 2001 جىلى قىزمەتتىك ساپارمەن ۇرىمجىگە بارعانىن، ونداعى قازاقتىڭ مارعاسقا تۇلعاسى جاكەڭنىڭ – ءجانابىل اعا سىماقۇلۇلىنىڭ «ەلدەن كەلگەن باۋىرىم!»- دەپ، داستارقانعا دامگە شاقىرعانىن ايتىپ، شەتتەگى قانداستارىمىزعا ءوز تاراپىنان ءدان ريزا ەكەنىن اڭگىمەلەپ بەردى. جۇمىس بولسا، توتە ايتۋىمىزدى ءوتىندى.
ءيا، بىزگە وسى ەرەكەڭ سەكىلدى ەر مىنەزدى اعالار ۇنايدى. بۇل كىسىنى جاقسىنىڭ تۇقىمى دەپ، سابىر اعا احمەتجانۇلى اۋزىنان تاستاماي ماقتاپ جۇرەدى.
ەرلان زامانبەكۇلىنا اماندىق، ساۋلىق، تابىس تىلەيمىز!
اقىن
اۋىت مۇقيبەك
Facebook-تەگى پاراقشاسىنان
