قىرعىزستان توتەنشە جاعدايلار قىزمەتى اپاتتى جاعدايدا قونعان ۇشاقتان اۋرۋحاناعا جەتكىزىلگەن ايەلدىڭ باسىنان بولماشى جاراقات العانى، قازىر ول ءوزىن جاقسى سەزىنەتىنى تۋرالى حابارلادى. ۇشاقتىڭ دوڭگەلەكتەرى مەن سول جاق قاناتىنا زاقىم كەلگەنى ايتىلادى.

ۇشاقتا بولعان 148 جولاۋشى مەن ەكيپاجدىڭ بەس مۇشەسى تۇگەل بورتتان شىعارىلعان.

الدىن الا مالىمەتتەر بويىنشا، رەسەيدىڭ كراسنويارسك قالاسىنان العاش رەت ۇشىپ كەلگەن ۇشاق اۋا رايى قولايسىز بولۋى سەبەپتى ۇشۋ كەستەسىندە كورسەتىلگەن ۋاقىتتا وشقا قونا الماي، بىشكەكتىڭ قوسالقى اۋەجايىنا قونۋعا ءماجبۇر بولعان. وشتا كۇن اشىلعان سوڭ، «ماناس» اۋەجايىنان ۇشىپ شىققان ۇشاق جەكسەنبىدە جەرگىلىكتى ۋاقىتپەن ساعات 7:43 كەزىندە وش اۋەجايىنا جەتكەن.

توتەنشە وقيعا بولعان جەردە اۋەجايدىڭ قۇتقارۋ قىزمەتى، توتەنشە جاعدايلار مينيسترلىگى مەن ميليتسيا وكىلدەرى جۇمىس ىستەپ جاتىر.

وش اۋەجايىنىڭ انىقتاما قىزمەتى قالىڭ تۇمانعا بايلانىستى اۋەجاي جابىلىپ، بارلىق اۋە رەيستەرى كەيىنگە قالدىرىلعانىن حابارلاعان.

اباي-اقپارات