شاعىن قالالاردى دامىتۋ باعدارلاماسى اياسىندا 2016-2017 جىلدار ىشىندە ارىس قالاسى ادام تانىماستاي وزگەرەتىن بولادى. وعان رەسپۋبليكالىق بيۋدجەتتەن 43 ملرد. تەڭگە ءبولىنىپ وتىر.

بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە سەيىت ەرتاي ءمالىم ەتتى. بۇگىننىڭ وزىندە ارىس قالاسىندا اتقارىلعان جۇمىستار اۋقىمدى. ماسەلەن، بيىل 6 ءبىلىم ورداسى نىساندارىنىڭ قۇرىلىسى جۇرسە، 9 مەكتەپ پەن 1 بالاباقشادا كۇردەلى جوندەۋ جۇمىستارى جۇرگىزىلدى. سونىمەن قاتار، 19 576 شارشى مەتردى قۇرايتىن تۇرعىن ءۇي پايدالانۋعا بەرىلىپ، قالالىق مادەنيەت ءۇيى قايتا جاڭعىرتۋدان ءوتتى. ەل يگىلىگىنە بەرىلگەن نىسانداردىڭ قاتارىندا جاڭادان سالىنعان دەنە شىنىقتىرۋ-ساۋىقتىرۋ كەشەنى دە بار.

سونداي-اق، قالادا جىل باسىنان بەرى 25 كوشە، ياعني 24,7 شاقىرىم جول ورتاشا جوندەۋدەن ءوتتى. ونىڭ ىشىندە كەلەر جىلعا وتپەلى 5 كوشەگە بۇگىنگى تاڭدا جاڭعىرتۋ جۇمىستارى جۇرگىزىلىپ، كەڭەيىپ، اياقجولدارمەن قامتاماسىز ەتىلۋدە. ال قالاداعى 4 ساياباققا اباتتاندىرۋ جۇمىستارى جۇرگىزىلىپ، كوشەلەر جارىقتاندىرىلىپ، سۋاعارلار قويىلۋدا. ءباسپاسوز ءماسليحاتىندا قالا اكىمى س.ەرتاي 10 ايدا 8 ملرد. 200 ملن. تەڭگەنىڭ اۋىل شارۋاشىلىعى ونىمدەرى وندىرىلگەنىن، يندۋستريالاندىرۋ كارتاسى اياسىندا بيداي، ەت جانە ءسۇت ونىمدەرىن وندىرەتىن 3 جوبا جىل سوڭىنا دەيىن ىسكە قوسىلىپ، ناتيجەسىندە جۇزگە جۋىق جاڭا جۇمىس ورىنى اشىلۋ كوزدەلىپ جاتقانىن ايتتى. وڭىرلەردى دامىتۋ باعدارلاماسى اياسىندا 2016-2017 جىلدارى 8 مىڭ تۇرعىنى بار «وتىرار»، «ناۋرىز»، «وڭتۇستىك» ەلدى مەكەندەرىنە ينفراقۇرىلىم جۇرگىزىلەتىن بولادى. 40 مىڭنان استام قالا تۇرعىندارى جىل سوڭىنا دەيىن 100% تازا اۋىز سۋمەن قامتىلاتىن بولادى. جالپى ارىستا 70 مىڭنان استام حالىق بار.

كۇن سايىن جاڭارىپ-جاسارىپ، گۇلدەنىپ كەلە جاتقان قالاعا اينالىپ وتىر. تۇرعىنداردىڭ تۇرمىسىن جاقسارتىپ، ءال-اۋقاتىن كوتەرۋ ماقساتىندا جاڭادان جۇمىس ورىندارى اشىلۋدا. سونىڭ ءبىر ايعاعى اقدالا ەلدى مەكەنىنەن اشىلعان تومات ءوندىرۋ تسەحى. ونىڭ ءوندىرىسى تەك وبلىس ەمەس، رەسپۋبليكا تۇتىنۋشىلارىنا تارالادى. تامشىلاتا سۋارۋ جۇيەسىن قولعا الا وتىرىپ، اقدالا اۋىلى قىزاناق وسىرەتىن القاپ، بايىرقۇم، جيدەلى ەلدى مەكەندەرىندە ماقتا پلانتاتسيالارى جۇيەلى جۇمىستار جۇرگىزىپ جوعارى جەتىستىكتەرگە جەتىپ وتىر. ارىس ءوڭىرىن عانا ەمەس سىر بويىنداعى ەلدى مەكەندەردى سۋلاندىرۋ، بوس جاتقان شولەي ايماقتى كوگالداندىرۋدى العا تارتقان مەملەكەتىمىز، اسا ءىرى «كوكساراي» سۋ تارتقىش تاسپاسىن سالۋدى قولعا الىپ، جۇمىستار اتقارىپ جاتقانى بارشامىزعا ءمالىم.

وقو اكىمىنىڭ ءباسپاسوز قىزمەتى