وسى اپتادا ەلىمىزدە بىرقاتار كادرلىق تاعايىنداۋلار جۇرگىزىلدى. ماسەلەن، اقتوبە وبلىسى اكىمىنىڭ ەكى جاڭا ورىنباسارى تاعايىندالسا، وڭىرلەردە مۇنان دا وزگە كادرلىق اۋىس-ءتۇيىس ورىن الىپ، «نۇر بانكتىڭ» جاڭا باسشىسى قىزمەتىنە كىرىستى. بۇل تۋرالى nur.kz سايتى حابارلايدى.

سونىمەن اقتوبە وبلىسىنىڭ اكىمى بەردىبەك ساپارباەۆتىڭ 2015 جىلعى 26 قاراشاداعى وكىمىمەن بەكسارى جاڭاباي مۇراتبەكۇلى مەن بياحمەتوۆ اسقار ساقتاعانۇلى اقتوبە وبلىسى اكىمىنىڭ ورىنباسارلارى قىزمەتىنە تاعايىندالدى.

وڭتۇستىك قازاقستان وبلىسى اكىمىنىڭ وكىمىمەن باۋىرجان باقىتۇلى وماربەكوۆ وبلىس اكىمىنىڭ كەڭەسشىسى – وبلىس اكىمدىگىنىڭ استانا قالاسىنداعى وكىلى بولىپ تاعايىندالدى.

اتالعان قىزمەتتە ب.وماربەكوۆ ءوڭىردىڭ كاسىپكەرلىك، يندۋستريالدى-يننوۆاتسيالىق دامۋى، ينۆەستيتسيا تارتۋ جانە تۋريزم ماسەلەلەرىن قاداعالايتىن بولادى.

قوستاناي وبلىسىنىڭ اكىمى ارحيمەد مۇحامبەتوۆ قازاقستان رەسپۋبليكاسى كونستيتۋتسياسىنىڭ 87-بابى 4-تارماعىنا سايكەس ۇزىنكول اۋداندىق ءماسليحاتىنىڭ دەپۋتاتتارىمەن كەلىسۋ بويىنشا جاڭا اۋدان اكىمىن تاعايىندادى. بۇل قىزمەتكە 35 جاستاعى قانات سارسەمباەۆ كەلدى.

مۇنان وزگە وسى اپتادا «نۇربانك» اق ديرەكتورلار كەڭەسى 2015 جىلعى 30 قاراشادان باستاپ، ەلدار راشيتۇلى سارسەنوۆتى بانكتىڭ باسقارما توراعاسى، 2015 جىلدىڭ 23 قاراشاسىنان باستاپ مارات زايرۇلى زايروۆتى بانكتىڭ باسقارما توراعاسىنىڭ ورىنباسارى قىزمەتتەرىنە تاعايىنداۋ تۋرالى شەشىم قابىلداعانى بەلگىلى بولدى.

«قازاتومونەركاسىپ» ۇاك» اق باسقارما توراعاسى اسقار جۇماعاليەۆ كومپانيا ۇجىمىنا ەكونوميكا جانە قارجى جونىندەگى جاڭا باس ديرەكتور مەيىرجان يۋسۋپوۆتى تانىستىردى.

بۇعان دەيىن «قازاتومونەركاسىپ» ۇاك» اق ەكونوميكا جانە قارجى جونىندەگى باس ديرەكتورى بولعان ايدار اريفحانوۆ قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى بولىپ تاعايىندالعان بولاتىن.

ايتا كەتەرلىگى NCOC N.V. كومپانياسىنىڭ باسقارۋشى ديرەكتورى ستەفان دە مايە ورىنتاعىن بوساتاتىندىعى حابارلاندى. بۇل ورىنعا «ەكسونموبيل قازاقستان» كومپانياسىن باسقاراتىن برۋنو جاردەن كەلەدى دەگەن بولجام بار. ستەفان دە مايە NCOC N.V. كومپانياسىن 2014 جىلعى مامىردان باستاپ باسقارىپ كەلگەن ەدى. وعان قاشاعان كەن ورنىندا مۇناي ءوندىرىسىنىڭ توقتاتىلۋىنا سەبەپ بولعان كەمشىلىكتەردى جويۋ مىندەتى قويىلعان بولاتىن.

abai.kz