مەملەكەت باسشىسى ء«بىر ماقسات، ءبىر مۇددە، ءبىر بولاشاق» اتتى جولداۋىندا مۇمكىندىگى شەكتەۋلى ادامدار ءۇشىن قازاقستان كەدەرگىسىز ايماققا اينالۋعا ءتيىس ەكەنىن ايتقان بولاتىن. ەڭ باستىسى، ولار  دا وزدەرىن قوعامنىڭ تولىققاندى مۇشەسى ەكەنىن سەزىنۋلەرى ءتيىس.

 «حقكو» رمك  وڭتۇستىك قازاقستان وبلىسى بويىنشا فيليال ديرەكتورى سەرىك تۇرعىنبايۇلىنىڭ ايتۋىنشا، بۇگىندە حقكو قىزمەتكەرلەرى ەستۋ قابىلەتى تومەن جاندارعا كەدەرگىسىز قىزمەت الۋى تۋدىرۋ ءۇشىن ارنايى سۋردواۋدارماشى كۋرستارىنان وتكەن.

–حالىققا قىزمەت كورسەتۋ ورتالىعى قالا جانە اۋداننىڭ 67 قىزمەتكەرلەرى سۋردواۋدارماشى كۋرسىنان وتكەندىگى تۋرالى سەرتيفيكاتتارعا يە بولدى. ءبىر اي ىشىندە كاسىبي پەداگوگتاردان ولار ىمداۋ كومەگىمەن «ەلەكتروندىق انىقتاما»، «ەلەكتروندىق كەزەك»، «دايىن قۇجات»، «ەلەكتروندىق تسيفرالىق قولتاڭبا» جانە ت.ب. سوزدەردى كورسەتۋدى ۇيرەندى. وسىعان دەيىن ينسپەكتورلار ورتالىققا كەلگەن ەستۋ قابىلەتى ناشار جاندارعا قىزمەت كورسەتكەندە تۇسىندىرە الماي ىڭعاي¬سىزدانسا، ەندى مۇنداي قيىندىق جوق. ساڭىراۋ جاندار دا كەدەرگىسىز قىزمەت الا الادى.

 سونىمەن قاتار، سەرىك تۇرعىنبايۇلىنىڭ ايتۋىنشا، وڭتۇستىك قازاقستان وبلىسىنىڭ بارلىق حقكو-لاردا مۇگەدەك جاندارعا قاجەت بولعان جاعدايدا مەملەكەتتىك قىزمەت الۋ جونىندە كەڭەس بەرۋ، سونداي-اق، «e-gov» پورتا¬لىمەن، ەلەكتروندى ساندىق قولتاڭبانى كورسەتىپ، سالىق، ايىپپۇل، بالانى بالا¬باقشا كەزەگىنە قويۋ، مەكەن-جاي انىق¬تاماسىن، مۇگەدەكتىگىن راستاۋ انىقتا¬مالارىن الۋ سەكىلدى قىزمەتتەردى سۋردواۋدارما تاسىلدەرىن مەڭگەرگەن ينسپەكتورلار اتقاراتىن بولادى.

ەندى كاسىپكەرلەر پاتەنت الۋ ءۇشىن مەملەكەتتىك كىرىستەر كوميتەتىنە بارماي-اق، ونى  حالىققا قىزمەت كورسەتۋ ورتالىقتارىندا رەسىمدەي الادى. ورىندالۋ ۋاقىتى – 1 جۇمىس كۇنى. «حقكو» رمك وڭتۇستىك قازاقستان وبلىسى بويىنشا فيليالى ديرەكتورىنىڭ ورىنباسارى جاقىپبەك مەڭلىباەۆتىڭ ايتۋىنشا، پاتەنتتى رەسىمدەۋ ءۇشىن حقكو-عا جۇگىنگەن كۇن، ياعني قۇجاتتاردى قابىلداۋ كۇنى بۇل مەرزىمگە كىرمەيدى. مەملەكەتتىك قىزمەت تەگىن كورسەتىلەدى. ايتا كەتەيىك، ەگەر ۋاقىتىڭىز تىعىز بولعان جاعدايدا، كەزەكتى برونداۋ قىزمەتى قاراستىرىلعان. ول ءۇشىن، ەلەكتروندىق ۇكىمەت پورتالى ارقىلى وزىڭىزگە قولايلى ۋاقىتتى جانە حقكو-نى تاڭداي الاسىز. ەتسق بولۋى شارت ەمەس.

حقكو ارقىلى رەسىمدەۋ ءۇشىن تۇتىنۋشىنىڭ وزىمەن بىرگە كەلەسى قۇجاتتار تىزبەسى بولۋى ءتيىس:  پاتەنت ەسەپتەۋلەرى، جەكە كۋالىكتىڭ تۇپنۇسقاسى مەن كوشىرمەسى جانە پاتەنت قۇنىن تولەگەنى جونىندەگى راستاۋ تۇبىرتەگى.

سونداي-اق، بۇل قىزمەتتى ەلەكتروندىق ۇكىمەت پورتالىندا، حالىققا قىزمەت كورسەتۋ ورتالىعىنا بارماي-اق ءوز كومپيۋتەرىڭىزدە وتىرىپ الۋعا دا بولادى. ول ءۇشىن عالامتورعا كىرىپ پورتالعا تىركەلەسىز جانە وزىڭىزدە ەلەكتروندىق-تسيفرلىق قولتاڭباڭىز بولۋى كەرەك.  قۇجاتتار ءتىزىمى حقكو-عا ۇسىناتىن قۇجاتتارمەن بىردەي، تەك ەلەكتروندىق ۇلگىدە ۇسىنىلادى.

Abai.kz