جۇما, 21 ماۋسىم 2024
46 - ءسوز 5609 0 پىكىر 6 شىلدە, 2015 ساعات 00:25

قازاق ءتىلىنىڭ جەڭىسىن ەشكىم توقتاتا المايدى

مەنىڭ پىكىرىمشە، قازاق ەلىنىڭ پرەزيدەنتى سۇحباتىن قازاق تىلىندە بەرەتىن ۋاقىت كەلدى. ءوز حالقىنا ۇندەۋى بولسىن، ۇلكەن سۇحباتى بولسىن، مەملەكەتتىك تىلدە جاريالاۋى مىندەت. ول ءوز حالقىنا قۇرمەتتىڭ بەلگىسى عوي.

ەلباسى مەملەكەتتىك تىلگە كوشىپ جاتسا، قازاقستاننىڭ پرەمەر-ءمينيسترى، مينيسترلەرى، بيزنەسمەندەرى، بانكيرلەرى، ولاردىڭ مەنەدجەرلەرى بىردەن قازاق تىلىنە كوشەتىن ەدى. ولاردىڭ بارلىعى بىردەن قازاق ءتىلىنىڭ پاتريوتتارى بولىپ شىعا كەلەر ەدى.

قازىر ەلىمىزدەگى ءتىل احۋالى مىنانداي عوي. قازاقتىلدى حالىق - ءسوزسىز ەلدىڭ كوپشىلىگى. ال، ورىس ءتىلىن بيلىك ءوزى ەنگىزىپ جاتىر ەمەس پە؟ تەلەديداردا، راديودا، ءتىپتى قازاق مۋزىكاسىنىڭ كونتسەرتتەرىندە جۇرگىزۋشىلەر ەكى تىلدە جۇرگىزەدى. سوندا ويلايمىن، زالدا وتىرعان 100% قازاق، ساحنادا - 100% قازاق، اندەر قازاقشا، سوندا جۇرگىزۋشىلەر كىمگە ورىسشا سويلەپ تۇر دەپ. ءتىپتى، قازاق ۇلتتىق ارناسىندا قازاقتىلدى حيكايالار ورىسشا جازىلىپ،  تيترلەرىمەن ءجۇرىپ جاتىر. بۇل ماسقارا ەمەس پە؟

سوندىقتان ەلباسىنىڭ ءوز حالقىنا كورسەتەتىن ۇلگىسى وتە ماڭىزدى. سولاي دەگەنمەن دە، قازاقستاندا قازاق ءتىلىنىڭ جەڭىسىن قالاي بولسا دا ەندى ەشكىم توقتاتاي المايدى.

 

مۇحتار تايجان

(الەۋمەتتىك جەلىدەن)

0 پىكىر