قازاقستان مادەنيەت جانە سپورت ءمينيسترى ارىستانبەك مۇحامەديۇلى "قازاق ەلى" ءفيلمىنىڭ ءتۇسىرىلىم جۇمىستارىنا قوسىمشا اقشا ىزدەستىرىپ جاتىر. بۇل تۋرالى Tengrinews.kz سايتى جازدى.

"قازاقفيلم" جانە مينيسترلىكتىڭ  "قازاق ەلi" ءفيلمىنىڭ ءتۇسىرىلىم جۇمىستارىنا قوسىمشا قاراجات ىزدەستىرىپ جاتقانىن ايتقان مينيستر:

"مەن جوباعا قاراجات تابۋ ءۇشىن جاۋاپتى مەتسەنات رەتىندە ءوزىم دە قاتىسامىن", - دەگەن. ول تاريحي سەريالدىڭ ءتۇسىرىلىم جۇمىستارىنا مينيسترلىكتىڭ دە ءوز تاراپىنان ىشكى قوسىمشا قورلاردان قارجى ىزدەيتىنىن ايتتى.

ەستەرىڭىزدە بولسا، العاشىندا جيىرما سەرياعا جوبالانعان ءفيلىمنىڭ ونعا، جاقىندا جەتى عانا سەرياعا قىسقارىپ قالعانى تۋرالى جازعان ەدىك. وندا رەجيسسور رۇستەم ءابدىراشوۆ ەڭ باستى سەبەپ قاراجات تاپشىلىعى ەكەنىن ايتقان بولاتىن.

مينيستر ءتۇسىرىلىم توبىنىڭ نارازىلىق ءبىلدىرۋىن قولدايدى، ونىڭ ايتۋىنشا، بۇل قوسىمشا قاراجاتتى تالاپ ەتەدى. "كوركەم فيلم كينوستۋديا پاۆيلونىنان تىس جەردە جۇرگىزىلەدى. ول سىعاناق، سارايشىق، المالىق پەن سوزاق قامالىن، كەرەي مەن جانىبەكتىڭ اۋىلىن تۇرعىزۋدى تالاپ ەتەدى", - دەيدى ارىستانبەك مۇحامەديۇلى.

اباي-اقپارات