قازاقستان ينۆەستيتسيالار جانە دامۋ ۆيتسە-ءمينيسترى ەرلان ساعاديەۆ قىزمەتىنەن كەتتى. بۇل تۋرالى مينيسترلىكتىڭ ءباسپاسوز قىزمەتىنە سىلتەمە جاساپ Nur.kz حابارلادى.

ەرلان كەنجەعاليۇلى ساعاديەۆ 1966 جىلى 29 قىركۇيەكتە دۇنيەگە كەلگەن. 1990 جىلى «ەكونوميكا» ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن ەكونوميست ماماندىعى بويىنشا تامامداعان. 1993 جىلى ميننەسوتا شتاتىنىڭ ۋنيۆەرسيتەتىن ءبىتىردى، اقش-تىڭ ميننەاپوليس قالاسىندا قولدانبالى ەكونوميكا دەپارتامەنتىنىڭ عىلىم ماگيسترى عىلىمي دارەجەسى بار.

ەڭبەك جولىن 1990 جىلى سىرتقى ىستەر مينيسترلىگىنىڭ قولدانبالى ەكونوميكا دەپارتامەنتىنىڭ حالىقارالىق ەكونوميكالىق قاتىناستاردى دامىتۋ جونىندەگى ەكىنشى حاتشىسى لاۋازىمىنان باستاعان. دۇنيەجۇزىلىك بانكىنىڭ اۋىل شارۋاشىلىعى دەپارتامەنتىنىڭ احۋالىن تالداۋ جونىندەگى اسسيستەنتى، شىعىس ەۋروپا، تمد ەلدەرىنىڭ كۋراتورى بولعان (اقش، ۆاشينگتون ق.).

2003 جىلدان باستاپ 2009 جىلعا دەيىن «جاڭا تەحنولوگيالار. قازاقستان» اق-نىڭ ديرەكتورلار كەڭەسىنىڭ توراعاسى بولدى، باس ديرەكتوردىڭ لاۋازىمىن اتقارعان. 2012-2013 جىلدارى قازاقستاننىڭ پرەمەر-ءمينيسترىنىڭ كەڭەسشىسى قىزمەتىن اتقارعان.

2014 جىلدىڭ اقپان ايىنان تامىز ايىنا دەيىن يندۋستريا جانە جاڭا تەحنولوگيالار ۆيتسە-ءمينيسترى بولدى. 2014 جىلدىڭ تامىز ايىندا ينۆەستيتسيالار جانە دامۋ ءمينيسترىنىڭ ورىنباسارى بولىپ تاعايىندالدى.

 ساعديەۆتىڭ نە سەبەپتەن قىزمەتىنەن كەتكەنى تۋرالى اقپارات بەرىلمەگەن. 

اباي-اقپارات