مەملەكەتتىك قىزمەتكە قابىلداۋ تومەنگى لاۋازىمداردان باستالۋى، 3+3 فورمۋلاسى بويىنشا مەملەكەتتىك قىزمەتكە ءبىرىنشى رەت قابىلدانۋشىلار ءۇشىن مىندەتتى تۇردە سىناق مەرزىمى، مەملەكەتتىك قىزمەتكەرلەردىڭ جالاقىسىن قىزمەتىنىڭ ناتيجەسىنە بايلانىستى ءوسىرۋ – وسى قادامداردى ءتۇسىندىرۋ الماتى قالاسى جەتىسۋ اۋدانى بويىنشا زەينەتاقى جانە جاردەماقى تولەۋ ورتالىعىندا كەزدەسۋدىڭ باستى ماقساتى بولدى. قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ قىزمەتكەرلەرى زەينەتاقى تولەۋ ورتالىعىنىڭ قىزمەتكەرلەرىمەن كەزدەسۋ وتكىزىپ، پرەزيدەنتتىڭ رەفورمالارىن ءتۇسىندىردى.

 زەينەتاقى تولەۋ ورتالىعىنىڭ قىزمەتكەرلەرىمەن، مەملەكەتتىك قىزمەت الۋشىلارمەن، جەتىسۋ اۋدانى بويىنشا مەملەكەتتىك ورگانداردىڭ وكىلدەرىمەن كەزدەسۋدە سىبايلاس جەمقورلىققا قارسى ساۋاتتاندىرۋ جانە جۇرتشىلىقپەن ءوزارا ءىس-قيمىل جاساۋ ءبولىمىنىڭ باسشىسى ماقساتحان اناپين قاتىستى.

ء ىس-شارا بارىسىندا زەينەتاقى تولەۋ ورتالىعىنىڭ قىزمەتكەرلەرى مەملەكەتتىك قىزمەت تۋرالى جاڭا زاڭىنا بايلانىستى ۇسىنىستار بەردى.

 سونداي-اق، ماقساتحان اناپين كەلەشەكتە مەملەكەتتىك قىزمەتتە مانساپتى مودەلگە كوشۋ، اۋىستىرىلاتىن مەملەكەتتىك قىزمەتكەرلەرگە لاۋازىمدىق مىندەتتەرىن اتقارۋ كەزەڭىندە ولارعا جەكەشەلەندىرۋ قۇقىعىنسىز قىزمەتتىك پاتەرلەردى مىندەتتى تۇردە بەرۋ تۋرالى ايتىپ ءوتتى.

 كەزدەسۋ اياعىندا، 2016 جىلدىڭ 1 قاڭتارىنان باستاپ مەملەكەتتىك قىزمەتكەرلەردىڭ جالاقىسىن فاكتورلى-بالدىق شاكىلى ارقىلى تولەۋىنە كوشۋ تۋرالى ايتىلدى.

Abai.kz