جەكسەنبى, 20 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
اباي.tv 3547 0 پىكىر 31 شىلدە, 2015 ساعات 11:20

ءۇندى سازى ءھام "ەلىم-اي"

كەشەنىڭ اقشامى. الماتى قالاسى. جۇمىستان شىعا قالساق، جىبەك جولى مەن قوناەۆ كوشەلەرىنىڭ قيلىسىندا ءۇندىستىڭ ەكى جىگىتى ءبىر توپ جۇرگىنشىنى ءۇيىرىپ الىپتى. دالانىڭ ءۇنى، تابيعاتتىڭ سىرى، مۇمكىن تابيعاتتىڭ ادامعا دەگەن وكپەسى مەن مۇڭى. «ەي ادامزات، تىڭداشى...» دەيتىن الدەقانداي ءۇن... ماعان سولاي ەستىلدى. ايتەۋىر ويدا-جوقتا الماتىنىڭ ءبىر قۋىسىندا تالىپ ەستىلگەن وسى مۋزىكادان الدەقاشان جەر بەتىنەن جوعالىپ كاتكەن «اراكۋ تايپاسىنىڭ» قاسىرەتى ازىناپ، ۋرۋسۋلا مەن حوسەاركاديونىڭ جاستىعىنىڭ جەلى ەسكەندەي بولدى. ەكى جىگىتتىڭ الدىنداعى قارا ساندىققتا جۇرت 200 بەن 2000 تەڭگەنىڭ اراسىنداعى بانكنوتتاردى قالتاسىنان وپ-وڭاي سۋىرىپ تاستاپ جاتتى.

مەن وسى جىگىتتەردەن 20 مەتر عانا ارى تۇرعان دۇنيەجۇزى قازاقتار قاۋىمداستىعى تۋرالى ويلادىم. دۇرىسى وسى قاۋىمداستىق اينالىسۋى كەرەك شەتتەگى بەس ميلليون قانداسىمىزدىڭ ماسەلەسى تۋرالى ويعا شومدىم. اتامەكەندى اڭساپ، جانارلارى جاۋدىرەگەن سولاردىڭ جۇرەگىنەن «ەلىم-ايلاعان» وسىنداي زارلى ءۇننىڭ ەسىپ تۇرعانىنا ەش ءشۇبام جوق ەدى. نە دەگەندە دە، ۇندىستەر مەن قوسا قازاقتار دا گەنوتسيدتىڭ وڭباي قۇربانى بولدى. ۇندىستەردەن اڭىراعان، ازىناعان ءۇن جەتتى بۇگىنگە، ال، ءبىز بۇگىن مىقتاپ قامدانباساق، شەتتەگى قازاقتاردان دا ەلىن اڭساعان ساعىنىشتىڭ جىرىنان باسقا ەشتەڭە جەتپەي قالا ما دەپ قورقامىن!

 

نۇرعالي نۇرتاي

Abai.kz

0 پىكىر