سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11571. جازىلعاندار — 5587. قايتىس بولعاندار — 41
نە دەيدى؟! 5905 0 پىكىر 31 شىلدە, 2015 ساعات 16:08

قاپ، ەندى قايتتىك؟

وليمپيادا-2022 بەيجىڭدە وتەتىن بولدى. مالايزيالىق كۋالا-لۋمپۋردە وتكەن حالىقارالىق وليمپيادا كوميتەتىنىڭ (حوك) 128-سەسسياسىندا قىتاي دەلەگاتسياسى وليمپيادا ويىندارىن وتكىزۋگە كانديدات-قالانىڭ اقتىق تانىستىرىلىمىن ۇسىندى. قىسقى ويىنداردى وتكىزۋگە بەيجىڭنىڭ باقتالاسى الماتى بولدى. بۇل تۋرالى Tengrinews.kz حابارلادى.

قىتاي ءوتىنىشىن 12 ادامنان تۇراتىن دەلەگاتسيا تانىستىردى، ولاردىڭ اراسىندا قحر مەملەكەتتىك كەڭەسىنىڭ ۆيتسە-پرەمەرى ليۋ ياندۋن، بەيجىڭ اكىمى ۆان انشۋن، حوك مۇشەسى يانگ يانگ پەن ۇبق-نىڭ ەكس-جۇلدىزى ياو مين بار.

;feature" type="application/x-shockwave-flash">;feature" />;feature" />

الماتى اكىمىنىڭ كۋالا لامپۋردە سويلەگەن سوزىنەن ءۇزىندى

الماتىنىڭ ءوتىنىمىن كۋالا-لۋمپۋردە شەنەۋنىكتەر مەن ساياساتكەرلەردەن وزگە (كارىم ءماسىموۆ، احمەتجان ەسىموۆ، تيمۋر قۇلىباەۆ، بەردىبەك ساپارباەۆ، قايرات بورانباەۆ), اتاقتى قازاقستاندىق سپورتشىلار - دەنيس تەن، سەرىك ساپيەۆ، ەرماحان يبرايموۆ، ەلەنا حرۋستالەۆا، يۋليا گالىشەۆا، سابينا التىنبەكوۆا جانە تاعى دا باسقالار تانىستىردى.

ايتا كەتەيىك، الماتى حوق-قا رەسمي تۇردە ءوتىنىش بەرگەن ءبىرىنشى قالا بولدى. بۇعان دەيىن ساراپشىلار الماتى ءوتىنىمىنىڭ ارتىقشىلىقتارىن اتادى - وسىعان ۇقساس جارىستاردى وتكىزۋ تاجىريبەسى (2011 جىلعى ازيا ويىندارى), ينفراقۇرىلىم نىساندارىنىڭ 70 پايىزعا دايىن بولۋى، ىقشامدىلىعى (ەگەر وليمپيادا الماتىدا بولسا، ول 30 شاقىرىم راديۋستا وتەدى، ال بەيجىڭدە بۇل كورسەتكىش جەتى ەسەگە جوعارى - 200 شاقىرىم), سونىمەن قاتار، كليماتى - الماتىدا بەيجىڭگە قاراعاندا قار قالىڭ تۇسەدى.

ەسكە سالاتىن بولساق، قازاقستان وسى وليمپيادانى وزىندە وتكىزۋ ءۇشىن ء«بىر جىنىستىلاردىڭ نەكەلەسۋىنە» رۇقسات بەرەتىن زاڭدى 18 مامىردا قابىلداعان بولاتىن. وسىعان بايلانىستى Human Rights First كومپانياسى كونستيتۋتسيالىق كەڭەستىڭ بۇل شەشىمىن قۇپتايتىندىعىن بىلدىرگەن ەدى. Human Rights First وكىلى شون گەيلورد اتالمىش قادامدى «قازاقستانداعى ادام قۇقىقتارىن قورعاۋ جونىندەگى كۇرەستە» ماڭىزدى شەشىم ەكەندىگىن ايتا كەلە، ەلىمىزدىڭ ءوز تاراپىنان اتالمىش زاڭنامالىق اكتىنى بۇعاتتاۋ ارقىلى 2022 جىلى الماتى قالاسىندا قىسقى وليمپيادالىق ويىنداردى وتكىزۋگە مۇمكىندىكتەرىنىڭ ارتقاندىعىن حابارلاي كەتكەن ەدى.

وليمپيادا-2022 بەيجىڭدە 4-20 اقپان ارالىعىندا وتەدى.

احمەتجان ەسىموۆتىڭ 16 جەلتوقسان "تاۋەلسىزدىك كۇنىنە" وراي ءتىلشىنىڭ قويعان ساۋالىنا بەرگەن جاۋابىن دا تىڭداي وتىرڭىزدار!

 

Abai.kz

0 پىكىر