سەنبى, 6 ناۋرىز 2021
بيلىك 3252 0 پىكىر 6 تامىز, 2015 ساعات 16:26

وڭتۇستىك استانانىڭ اق حالاتتى ابزالجاندارى ەلباسىنىڭ ينستيتۋتسيونالدىق رەفورمالارىن قولدايدى

2015 جىلدىڭ 04 تامىزىندا الماتى قالاسى جەدەل جاردەم كورسەتۋ اۋرۋحاناسىندا (بۇدان ءارى - ججكا) «100 ناقتى قادام» ۇلت جوسپارىن ناسيحاتتاۋ ماقساتىندا سەمينار – كەڭەس ءوتتى.

ءىس-شارادا قازاقستان رەسپۋبليكاسى پارلامەنتى ءماجىلىس دەپۋتاتى كامال بۇرحانوۆ، قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى شاتتىق وتەەۆ، الماتى قالاسى دەنساۋلىق ساقتاۋ باسقارماسىنىڭ باسشىسى جانات قاسىمجانوۆا قاتىستى.

ءىس-شارا بارىسىندا شاتتىق وتەەۆ مەملەكەتتىك قىزمەت سالاسىندا الداعى رەفورمالار تۋرالى ايتىپ ءوتىپ، 1-ءشى رەفورمانىڭ قادامدارىن تولىق ءتۇسىندىردى. جانە جەرگىلىكتى اتقارۋشى ورگاندارىنىڭ بوس جۇمىس ورىن تۋرالى جاريالانعان قۇلاقتاندىرۋلار دەپارتامەنتتىڭ سايتىندا ىزدەۋ جۇيەسى پيلوتتىق جوبا رەتىندە ەڭگىزىلگەنىن سەمينار قاتىسۋشىلارعا تانىستىردى. بۇل شارا مەملەكەتتىك قىزمەتكە ورنالاسۋ ءراسىمىن اشىق جانە قولجەتىمدى ەتەدى.

ءوزىنىڭ بايانداماسىندا حالىقتىڭ قالاۋلىسى كامال بۇرحانوۆ - ا.ج. قىركۇيەك ايىندا «100 ناقتى قادام» باعدارلاماسىنا بايلانىستى پارلامەنتتە 100 دەن استام زاڭدارعا وزگەرىستەر مەن تولىقتىرۋلار ەڭگىزىلەتىنىن حابارلادى. رەفورمالاردىڭ باستى ماقساتى ۇلتتى مودەرنيزاتسيالاۋ. ەگەر ءبىز 30 دامىعان مەملەكەتتەردىڭ قاتارىندا بولعىمىز كەلسە، سول مەملەكەتتەر سياقتى ءومىر ءسۇرۋىمىز كەرەك جانە ءبىز ەڭبەكقورلىق، زاڭعا باعىنۋشىلىق، تارتىپتىك ءبىلدىرۋىمىز قاجەت ەكەنىن ايتتى.

الماتى قالاسى قازىرگى تاڭدا جاقسى ناتيجەگە جەتكەنىن دەنساۋلىق ساقتاۋ باسقارماسىنىڭ باسشىسى جانات كاسىمجانوۆا ايتىپ ءوتتى. 2011 جىلى الماتى قالاسى دەنساۋلىق ساقتاۋ ينديكاتورى بويىنشا 16 ورىندا بولعان. قازىرگى تاڭدا الماتى قالاسى رەسپۋبليكا بويىنشا 3 ورىندا. مەگاپوليس، ايەلدەردىڭ ءومىر ءسۇرۋ ۇزاقتىعى بويىنشا جانە حالىقتىڭ ءولىم كورسەتكىشىن ازايتۋ باعىتىندا جاقسى ناتيجەلەرگە جەتتى. قازىر، ايەلدەردىڭ ءومىر ءسۇرۋ ۇزاقتىعى كورسەتكىشى 76,7 جاس. بالا تۋدىڭ كورسەتكىشى كوتەرىلدى، انالاردىڭ ءولىمى كورسەتكىشى ەڭ تومەن دەڭگەيگە ءتۇستى. بۇل دەنساۋلىق ساقتاۋ جۇيەسىن انىقتايتىن وتە ماڭىزدى فاكتور.

ءىس-شارا بارىسىندا وزدەرىپ قىزىقتىرىپ قويعان سۇراقتارىنا تولىق جاۋاپتارىن الدى.

 

 Abai.kz

0 پىكىر