مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى العاش رەت 90 جىلدىق تاريحى بار ونەر ورداسىنىڭ كوپشىلىككە بەيمالىم تاڭعاجايىپتارىن تانىستىرۋ ءۇشىن تەاتر عيماراتىندا باق وكىلدەرى مەن بلوگەرلەرگە ارناپ پرەسس-تۋر وتكىزەدى.

 پرەسس-تۋر ماقساتى − اۋەزوۆ تەاترىنىڭ 90 جىلدىق مەرەيتويى قارساڭىندا، ارحيتەكتۋرالىق ماڭىزدى نىسان سانالاتىن تەاتر عيماراتىنىڭ، ساحنانىڭ قۇرىلىمىن، ۇنەمى ساحنا سىرتىندا قىزمەت اتقاراتىن تەحنيكالىق بولىمدەردى، سپەكتاكلگە قاجەتتى بۇيىمداردى جاسايتىن، تىگەتىن، بويايتىن مامانداردىڭ جۇمىسىن كوپشىلىككە تانىستىرۋ.

 بيىل 90-ماۋسىمنىڭ شىمىلدىعىن اشاتىن اۋەزوۆ تەاترى − قازاق تەاتر ونەرىنىڭ قارا شاڭىراعى. بۇگىندە تەاتردىڭ مول شىعارماشىلىق مۇراسىن كورەرمەن جاتقا بىلەدى. الايدا، تەاتر ونەرىنىڭ مايتالماندارى پايدالانعان بۇيىمداردى، قازاق ساحنا ونەرىنە سەرپىلىس اكەلگەن ۇزدىك سپەكتاكلدەردەن قالعان جادىگەرلەردى، ساحنانىڭ قۇرىلىمىن، سپەكتاكل دايىنداۋدا ماڭىزدى ءرول اتقاراتىن اكتەرلىك قۇرامنان بولەك ارنايى تەحنيكالىق بولىمدەردىڭ قىزمەتىمەن تانىس ەمەس. سوندىقتان دا، تەاتر ۇجىمى باق وكىلدەرى مەن بلوگەرلەرگە تەاتر مۇراجايىنداعى بارلىق باعالى ەكسپوناتتاردى، تەاتر ساحناسىنىڭ قۇرلىمىن، ساحنا سىرتىنداعى كوستيۋمدەر ءبولىمى، ارلەۋ ءبولىمى، بۋتافور، مەحانيكالىق قۇرال − جابدىقتار تسەحى تاعىدا باسقا بولىمدەردىڭ سپەكتاكلدى ساحناعا دايىنداۋعا دەيىنگى اتقاراتىن شىعارماشىلىق جۇمىستارىمەن تولىقتاي تانىسۋىنا مۇمكىندىك جاساپ وتىر.

 پرەسس-تۋر وتەتىن ۋاقىت: 14 تامىز ، 2015 جىل. ساعات. 11:00-14:00 ارالىعىندا.

اباي-اقپارات