6 تامىزدا، ءبىر كۇننىڭ ىشىندە، رەسەي پرەزيدەنتى ۆلاديمير ءپۋتيننىڭ ەمبارگو جاريالانعان ازىق-تۇلىكتەردى جويۋ تۋرالى جارلىعى كۇشىنە ەنگەن بەتتە، 319 توننا جەمىس-جيدەك، كوكونىس، ىرىمشىك پەن ەت جويىلدى. "روسسەلحوزنادزور" مەكەمەسىنىڭ حابارلاۋىنشا، ەمبارگوعا قاراماستان رەسەي شەكاراسىنان وتكەن ازىق-تۇلىك وسىلاي جويىلىپ وتىرادى. 319 توننا ازىق-تۇلىكتىڭ 20 تونناسى ورىنبور ماڭىندا جويىلعان. "روسسەلحوزنادزور" ءباسپاسوز حاتشىسى يۋليا مەلانو جۋرناليستەرگە ول تاعامدار ىشىندە لاتۆيادا شىققان "روسسيسكي" ماركالى ىرىمشىكتەر بولعانىن حابارلادى. ونىڭ سوزىنە قاراعاندا، بۇل ىرىمشىك رەسەي اۋماعىنا قازاقستان ارقىلى كىرگەن. 

تۇمەن وبلىسىندا قازاقستاننان اكەلىنگەن 13 توننا بولگار بۇرىشى بۋلدوزەرمەن تاپتالدى. ويتكەنى، ءبىزدىڭ ەلىمىزدەن جەتكىزىلگەن كوكونىستەر سانكتسياعا ۇشىراعان ازىق-تۇلىكتەر قاتارىندا ەكەن. سمولەنسك قالاسىندا دا كوكونىستەردى اۋىر تەحنيكامەن تاپتاۋ جالعاسۋدا.
ىسىراپ بولىپ، تەحنيكامەن تاپتالعان جەمىس-جيدەك پەن كوكونىستەر قاتارىندا 750 كەلى قاربىز، 20 توننا بۇرىش، الما جانە 70 تونناعا جۋىق تومات پەن شىرىندار بار.
سانكت-پەتەربۋرگتە دە ازىق-تۇلىكتى اياۋسىز دالاعا توگىپ جاتىر. يمپورتتالعان ازىق-تۇلىكتى لاقتىرىپ، توگىپ، ىسىراپ ەتۋ رەسەيدىڭ بارلىق ايماعىندا كورىنىس تاپقان.
حالىقتىڭ تاماقتى ىسىراپ ەتپەۋ تۋراسىنداعى اشۋ-ىزاسىنا رەسەيلىك شەنەۋنىكتەر باس اۋىرتار ەمەس.

باق اقپاراتتارىنان.

ال، وعان رەسەيلىكتەر قالاي قارايدى؟