اتا زاڭىمىزدىڭ 20 جىلدىعىنا وراي ەلباسىمىزدىڭ قازاقتىڭ مادەنيەتى مەن ساياسي مادەنيەتىنە بايلانىستى بىلدىرگەن پىكىرىن اركىم ارقالاي تۇسىنۋدە. ۇلىق جيىندا ۇلت كوشباسشى بىلاي دەگەن بولاتىن:

«تەم بولەە نيكاكوي كۋلتۋرى، دەموكراتي، پوليتيچەسكوي كۋلتۋرى ۆ تەچەنيە پوسلەدنيح 300 لەت زدەس نيكوگدا نە بىلو ۆ وتليچيە وت درۋگيح ستران. تو ەست، كوگدا وتسەنيۆايۋت ناشۋ جيزنەدەياتەلنوست، يا بى پوسوۆەتوۆال ناشيم درۋزيام پوگلۋبجە ۆنيكات ۆ سيستەمۋ، يستوريۋ، كۋلتۋرۋ، تراديتسي ازياتسكوگو وبششەستۆا».

باتىس الەمىنىڭ ارەدىك ءبىزدىڭ ەلدەگى بيلىكتى سىناپ وتىراتىنى بار ەمەس پە؟ سوعان بايلانىستى قر پرەزيدەنتى: «قالايشا ءبىز اۆتوكارتيالى ەل بولامىز؟ 4-5 جىلدا حالىق ەركىن داۋىس بەرۋ جولىمەن ءوزىنىڭ پرەزيدەنتىن، پارلامەنت دەپۋتاتتارىن سايلاي الادى»، - دەي كەلىپ قازاقستاننىڭ ءوز جولى، ءوز تاڭداۋى بار ەكەندىگىن، ءبىزدىڭ ازيالىق ەل ەكەنىمىزدى ەسكەرتە وتىرىپ، جوعارىداعى ءسوزدى ايتۋىنا تۋرا كەلدى. مەنىڭشە بۇل ارادا ەلباسىمىز قازاق دالاسىن 300 جىل وتارلاپ، قۇلدانۋعا ۇمتىلعان ورىس پاتشالىعىنىڭ، كوممۋنيستەر بيلىگىنىڭ جوسىقسىزدىعى تۋرالى ەمەۋرىن ءبىلدىردى. راس قوي، 300 جىل بويى سولتۇستىكتەگى كورشىمىزدىڭ كوز قۇرتى ءبىز بولدىق. ءسويتىپ، كەيدە مىسىقتابانداعان جىمىسقى ساياساتتىڭ، كەيدە اشىق سوعىس پەن ەزگىنىڭ، اشتىقتىڭ، ايداۋدىڭ قۇربانى بولدىق. بۇنداي الاساپىران الماعايىپ زاماندا قانداي ساياسي مادەنيەت بولادى؟ قانداي مادەنيەت وركەندەپ وسەدى؟ مەنىڭ پرەزيدەنت سوزىنەن ۇققانىم وسىعان سايادى. باسقاسىن بىلمەدىم.

ءشارىپحان قايسار

Abai.kz