سارسەنبى, 21 ءساۋىر 2021
بيلىك 3017 0 پىكىر 3 قىركۇيەك, 2015 ساعات 09:46

وڭتۇستىك قازاقستانداعى كلاستەرلىك سەكتور ءوز جەمىسىن بەرۋدە

وڭتۇستىك قازاقستان وبلىسىنىڭ اكىمى بەيبىت اتامقۇلوۆ «وڭتۇستىك» يندۋستريالدى ايماعى مەن «وڭتۇستىك» ارنايى ەكونوميكالىق ايماعىندا بولىپ، اتقارىلىپ جاتقان جۇمىستارمەن تانىستى. وبلىس باسشىسى ارنايى ەكونوميكالىق ايماقتاردا جىلدار بويى اتقارىلعان جۇمىستار ناتيجەسىن بەرە باستاعانىن، وندىرىستىك قۋاتتىلىقتىڭ ارتقانىن اتاپ ءوتتى. «يندۋستريالدى ايماقتار ۇلكەن الەۋەتكە يە. وسى جىلداردا ىستەلگەن جۇمىستار ەلەۋلى ناتيجەلەر بەرە باستادى. ەندى وسى قارقىندى ارتتىرا ءتۇسۋ قاجەت»، -- دەدى ب.اتامقۇلوۆ.

«وڭتۇستىك» يا-دا جالپى قۇنى 66 ملرد. تەڭگەنى قۇرايتىن 128 جوبا ىسكە اسىرىلۋدا. ونىڭ ىشىندە 18,5 ملرد. تەڭگەنى قۇرايتىن 36 جوبا قازىردىڭ وزىندە ىسكە قوسىلدى. بۇل كاسىپورىنداردا 2 782 جاڭا جۇمىس ورنى اشىلدى. مۇندا كەلەشەكتە جالپى قۇنى 81.67 ملرد. تەڭگەنى قۇرايتىن ينۆەستيتسيالىق جوبالار ىسكە اسىرىلىپ، 6 مىڭ جاڭا جۇمىس ورىنى اشىلادى دەپ كۇتىلۋدە. وسى يندۋستريالدى ايماق اشىلعالى بەرى مۇندا 53 ملرد. تەڭگەنىڭ ءونىمى شىعارىلىپ، بيۋدجەتكە سالىقتىق تۇسىمدەر رەتىندە 3,5 ملرد. تەڭگە قۇرىلدى.

بۇگىنگى تاڭدا «وڭتۇستىك» ارنايى ەكونوميكالىق ايماعىندا جالپى ينۆەستيتسيا كولەمى 22.6 ملرد. تەڭگەنى قۇرايتىن 8 ءىرى كومپانيا جۇمىس جۇرگىزەدى. مۇندا 1 445 جاڭا جۇمىس ورىنى اشىلعان. وبلىس اكىمى جۇمىس ساپارى بارىسىندا كىلەم توقيتىن، ءجىپ يىرەتىن، گوفرالىق كارتون، قاعاز وندىرەتىن، ماقتا تالشىعى مەن ماقتا تسەلليۋلوزاسىن شىعاراتىن كاسىپورىنداردىڭ جۇمىسىمەن تانىستى. ايتا كەتەيىك، بۇل تاۋارلاردىڭ بارلىعى ەلىمىزدىڭ ەكسپورتتىق الەۋەتىن ارتتىرىپ، شەتەلدىك نارىققا شىعارىلۋدا.

 دايىنداعان ايدار قۇلجانوۆ.

Abai.kz   

0 پىكىر