ەلىمىزدىڭ شىعىس وڭىرىندە بيىل قىس قاتتى بولىپ، قارا جەردى قالىڭ قار باسىپ، قار كوشكىنىنىڭ استىندا قالۋعا اينالعان جۇرتتىڭ قونىس اۋدارىپ قاۋىپسىز ەلدى مەكەندەردى پانالاپ شىققانى بەلگىلى. كوكتەم كەلىپ، قىس قۇرساۋىنان بوساپ، تىرلىك قامىنا كىرىسكەن حالىقتىڭ ەندى شەنەۋنىكتەر شاقشاداي باسىن شاراداي ەتۋدە. بۇعان دەيىن پرەمەر-مينيستر كارىم ءماسىموۆ ۇكىمەت ساعاتىندا اكىم-قارارلاردى جيناپ الىپ، زارداپ شەككەندەردى مۇقتاجدىقتا قالدىرمايتىنىن، ولگەن مالدىڭ ورنىن تولتىراتىنىن ايتىپ، جۇتتا قالعان ەلدى جۇباتقان ەدى.  ءار وبلىس 50 ملن-نان قاراجات ءبولىپ، تابيعات اپاتىنان كەلتىرىلگەن شىعىندى وكىمەتتىڭ وتەپ بەرەتىنىن ايتقان. سوڭعى دەرەكتەرگە سۇيەنسەك، شىعىس وڭىرىندە 70 مىڭداي  مال باسى قىرىلعان كورىنەدى. وسى شىعىندى ءوندىرىپ الۋ ءۇشىن ەندىگى كەزەكتە شىعىسقازاقستاندىقتار كوشكىن سۋدان لاي استىندا قالعان مال ولەكسەلەرىن ىزدەۋگە شىقتى. شەنەۋنىكتەردىڭ بۇنىسى باياعى سىبايلاس جەمقورلىقتىڭ سىرقاتىنا جول بەرمەيتىن ءادىل باعالاۋ ءادىسى بولسا كەرەك. ءماسىموۆتىڭ ويىندا جۇتتان جۇتاعان جۇرت مال باسىن ارتىق كورسەتىپ ۇكىمەتتى جەپ، بايىپ كەتەدى دەگەن كۇدىك باسىم.

ەلىمىزدىڭ شىعىس وڭىرىندە بيىل قىس قاتتى بولىپ، قارا جەردى قالىڭ قار باسىپ، قار كوشكىنىنىڭ استىندا قالۋعا اينالعان جۇرتتىڭ قونىس اۋدارىپ قاۋىپسىز ەلدى مەكەندەردى پانالاپ شىققانى بەلگىلى. كوكتەم كەلىپ، قىس قۇرساۋىنان بوساپ، تىرلىك قامىنا كىرىسكەن حالىقتىڭ ەندى شەنەۋنىكتەر شاقشاداي باسىن شاراداي ەتۋدە. بۇعان دەيىن پرەمەر-مينيستر كارىم ءماسىموۆ ۇكىمەت ساعاتىندا اكىم-قارارلاردى جيناپ الىپ، زارداپ شەككەندەردى مۇقتاجدىقتا قالدىرمايتىنىن، ولگەن مالدىڭ ورنىن تولتىراتىنىن ايتىپ، جۇتتا قالعان ەلدى جۇباتقان ەدى.  ءار وبلىس 50 ملن-نان قاراجات ءبولىپ، تابيعات اپاتىنان كەلتىرىلگەن شىعىندى وكىمەتتىڭ وتەپ بەرەتىنىن ايتقان. سوڭعى دەرەكتەرگە سۇيەنسەك، شىعىس وڭىرىندە 70 مىڭداي  مال باسى قىرىلعان كورىنەدى. وسى شىعىندى ءوندىرىپ الۋ ءۇشىن ەندىگى كەزەكتە شىعىسقازاقستاندىقتار كوشكىن سۋدان لاي استىندا قالعان مال ولەكسەلەرىن ىزدەۋگە شىقتى. شەنەۋنىكتەردىڭ بۇنىسى باياعى سىبايلاس جەمقورلىقتىڭ سىرقاتىنا جول بەرمەيتىن ءادىل باعالاۋ ءادىسى بولسا كەرەك. ءماسىموۆتىڭ ويىندا جۇتتان جۇتاعان جۇرت مال باسىن ارتىق كورسەتىپ ۇكىمەتتى جەپ، بايىپ كەتەدى دەگەن كۇدىك باسىم.

سونىمەن، مامىردا مامىراجاي ءومىر بولماي، شىعىسقازاقستاندىقتار ەندى ءۇيىندى، لاي-قوقىستىڭ استىندا قالعان مال ولەكسەلەرىن ىزدەۋگە كىرىستى. بۇگىنگىدەي 7-13 گرادۋستىق ىستىقتا ساسىپ، شىرىگەن، قۇرتتاعان ولەكسەلەردى تانىپ كورسەتۋ دە مۇمكىن ەمەس. ولەكسەلەردى دەر كەزىندە ورتەمەسە، جۇقپالى اۋرۋلاردىڭ تارالۋى ادبەن مۇمكىن. ونسىزدا قىستىڭ قاقاعان ايازىنان اۋپىرىمدەپ ارەڭ شىققان ءالجۋاز حالىقتى جۇقپالى اۋرۋعا شالدىقتىرىپ الماساق جارار ەدى. تابيعات اپاتىن ءتاڭىردىڭ تارتۋى دەدىك، ال، جەر كەڭىپ، كوك جەتىلگەن، ەل امان، جۇرت تىنىش ۋاقىتتا حالقىمىزدى قولدان جاسالعان جۇقپالى دەرتكە ۇشىراتساق نە بولعانىمىز؟ انشەيىندە اقشانى جەلگە شاشاتىن ۇكىمەت يت-قۇسقا جەم بولعان ولەكسەلەردى ىزدەتىپ قور قىلماي حالىقتىڭ ايتقانىنا نەگە سەنبەيدى؟!.   قىس قاھارىنان امان-ەسەن شىققانىنا تاۋبە دەگەن ەلدىڭ  ەڭسەسىن كوتەرۋدىڭ ورنىنا ولەكسەلەردى ىزدەدىپ قويدىق.

اۋعانىستاندى قالپىنا كەلتىرەمىز دەپ گۋمانيتارلىق كومەك بەردىك. ەۋروپاداعى قاۋىپسىزدىڭ جانە ىنتىماقتاستىق ۇيىمىنا توراعا مەملەكەتپىز دەپ قىرعىزستانعا توننالاپ مۇناي مەن بيدايىمىزدى جونەلتتىك. سوعان راحمەت دەيتىن ەلگە ۇقسامايدى ايىر قالپاقتى اعايىنىمىز. كەرىسىنشە شەكارانى اشسىن دەپ كۇندە ميتينگ ۇيىمداستىرىپ، شەكارا قاۋىپسىزدىگىن قامتاماسىز ەتىپ وتىرعان قۇقىق قورعاۋ قىزمەتكەرلەرىنە قوقان-لوقى كورسەتىپ قويادى. ودان قالا بەردى ۋاقىتشا ۇكىمەتتەرىنىڭ وزىنە كوڭىلدەرى تولماي قيراعان حان ورداسىن تاعى قۇلاتپاق.

دانا حالقىمىز «كورپەڭە قاراپ كوسىل» دەيدى. وزىمىزدەگى جاعداي بولسا مىناۋ - پروبلەما شاش ەتەكتەن. قىزىلاعاشتىقتار مەن شىعىسقازاقستاندىقتاردى جارىلقاپ بولعانداي جايباراقات وتىرمىز. مەكتەپ باعدارلاماسىنان قالىپ قويعان وقۋشىلارعا جوعارعى وقۋ ورنىنا تۇسۋگە بارىنشا كومەكتەسىپ، ءتىپتى تەگىن وقىتۋ جاعدايىن نەگە قاراستىرمايدى ءبىزدىڭ ۇكىمەت؟

شىعىستاعى ەلدىڭ جاعدايى قيىن. ءالى دە جان-جاقتى كومەكتى قاجەت ەتەدى.  سونداي كومەككە ءزارۋ جۇرت بۇگىندە قۇزعىن قۋالاپ، ولگەن مالدىڭ ولەكسەسىن جيناپ ءجۇر.

تىنىس احمەتجان

استانا