بەيسەنبى, 1 جەلتوقسان 2022
جاڭالىقتار 4085 0 پىكىر 3 قازان, 2014 ساعات 10:18

استانا جىلۋ بەرۋ ماۋسىمىنا تولىقتاي دايىن

كەشە استانا قالاسىنىڭ اكىمى يمانعالي تاسماعامبەتوۆ قالانى جىلۋمەن جانە ەلەكتر ەنەرگياسىمەن قامتاماسىز ەتۋشى بىرقاتار نىسانداردى ارالادى. ول جەو-1 جانە جەو-2-ءنىڭ قىزمەتى مەن الداعى جىلىتۋ ماۋسىمىنا دايىندىعىن تەكسەردى. نىسانداردىڭ كۇزگى-قىسقى جىلۋ بەرۋ ماۋسىمىنا دايىندىق بويىنشا جۇرگىزىلگەن قالپىنا كەلتىرۋ جۇمىستارىمەن تانىستى. قالا اكىمى سونداي-اق، «استانا اەك» اق مەن تكش جاڭعىرتۋ باعدارلاماسىنا قاتىسۋشى تۇرعىن ۇيدە بولدى دەپ حابارلايدى استانا قالاسى اكىمىنىڭ اپپاراتى ءباسپاسوز قىزمەتى.

«استانا - اۋا رايى قاتال قالالاردىڭ ءبىرى. سونىمەن بىرگە، قالانىڭ جىل سايىن ءوسىپ كەلە جاتقانىنا بايلانىستى بۇل كاسىپورىنداردىڭ قۋاتتىلىعىن ارتتىرۋ كەرەك. جەو-1 مەن جەو-2 نىساندارىندا جۇمىس ىستەيتىن تەحنيكالىق ساۋاتتى مامانداردىڭ ارقاسىندا جىلىتۋ ماۋسىمىنا دايىنبىز. ستانتسيالىق قوندىرعىنى قالپىنا كەلتىرۋ جونىندەگى باعدارلاما تولىق كولەمدە جۇزەگە اسىرىلدى. بۇدان باسقا، جەو-3 قۇرىلىسى جۇرگىزىلىپ جاتىر»، - دەدى استانا قالاسىنىڭ اكىمى يمانعالي تاسماعامبەتوۆ.

جىلىتۋ ماۋسىمىنا دايىندىق بارىسىن بايانداعان جەو باسشىلارى ەلوردا باسشىسىنا الداعى جىلىتۋ ماۋسىمىنا تولىقتاي دايىن ەكەندىكتەرىن جەتكىزدى.

ەستەرىڭىزگە سالا كەتەيىك، استانا قالاسى بويىنشا جىلۋ بەرۋ ماۋسىمى بۇگىننەن، ياعني 3 قازاننان باستالادى.

اباي-اقپارات

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 288
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 209
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 295