تۇركيا بيلىگى ەلدە كومەندانتتىق ساعات ورناتتى. باستى سەبەپ - كۇردىلەردىڭ باسكوتەرۋى كەزىندە 14 ادامنىڭ قازا تابۋى. سونداي-اق، تاعى ونداعان ادام زارداپ شەككەن دەپ حابارلايدى Associated Press.

Baq.kz-ءتىڭ جازۋىنشا، كومەندانتتىق ساعات ديارباكىر، ماردين، سيرت، مۋش، ۆان، باتما پروۆينتسيالارىندا ەنگىزىلگەن. "كوتەرىلىسشىلەر تارقاۋى ءتيىس. تارقامايتىن بولسا سوڭى اۋىر جاعدايلارعا الىپ كەلۋى مۇمكىن. كۇش قولدانۋ جاۋاپسىز قالمايدى" دەپ مالىمدەگەن تۇركيانىڭ ىشكى ىستەر ءمينيسترى ەفكان الا.
6 قازان كۇنى باستالعان نارازىلىق شەرۋلەرىنىڭ سالدارىنان كوپتەگەن دۇكەندەر تونالىپ، پوليتسيا وكىلدەرى زارداپ شەكتى. كوتەرىلىسشىلەر ءتارتىپ ساقشىلارىنا تاس، شولمەكتەر جانە وزگە دە قاتتى زاتتار لاقتىرعان. پوليتسەيلەر بولسا ولارعا قارسى جاساۋراتاتىن گاز بەن سۋ قولدانۋدا.
كەشە 100-گە جۋىق كۇردى ازاماتى بريۋسسەلدەگى ەۋروپارلامەنتتىڭ عيماراتىنا باسىپ كىرىپ، ەۋرووداق ەلدەرىن "يسلام مەملەكەتىنە" قارسى بەلسەندى كۇرەسۋىن تالاپ ەتتى. سونىمەن قاتار، كۇردىلەر 6 قازان كۇنى نيدەرلاندىنىڭ گااگا قالاسىندا دا باس كوتەرگەن. ولار: "كوباني قالاسىنا قولداۋ كورسەتىڭدەر" دەپ ۇرانداتتى. 

اباي-اقپارات