“كەيبىرەۋلەرىڭىز بۇل باعدارلامانى كورگەن دە بولارسىزدار. ءبىزدىڭ ءتۇسىرۋ توبىمىز وسى باعدارلامانى دايىنداۋ بارىسىندا تالاي قىزىقتى ءارى قيلى جاعدايلاردى باسىنان وتكەردى. ۇجىمعا تالاي قىزمەتكەرلەر كەلدى، ەكى كۇن وتپەي جاتىپ، جۇمىستان باس تارتىپ كەتىپ جاتتى. سەبەبى تەلەارنادا ۋاقىت، شىعارماشىلىق، تاپقىرلىق پەن تاباندىلىق سياقتى قاسيەتتەر سىنالادى دەسەم، مەنى وسى سالاداعى ارىپتەستەرىم قولدايتىن شىعار. تاڭمەن تالاسا تۇرىپ جۇمىسقا جانتالاسامىز، سۇحبات الاتىن كەيىپكەرلەرمەن حابارلاسىپ، ءار مەكەمەگەن حات جولداپ،ء تۇسىرىلىم الاڭىن بەلگىلەۋ، قاجەتتى كورنەكىلدەر دايىنداۋدىڭ ءوزى ءبىزدىڭ جۇمىستىڭ نەگىزگى بولىگى. جۋرناليستتىك زەرتەۋ جاساپ، ونى كورىتىندىلاۋ دا ۇزاق ۋاقىت تالاپ ەتەدى. باعدارلامانى ويناقى ارى تۇسىنىكتى ەتىپ جاساۋ ءۇشىن ءبىزدىڭ پروديۋسسەرلەر مەن تىلشىلەر ءبىراز سىناقتان ءوتتى. سان قيلى تىرلىك يەلەرىمەن جولىمىز توعىسىپ جاتتى. ءبىرىنىڭ ومىرىنە قىزىعىپ قاراساق، ەكىنشىسىنىڭ تالكەك تاعدىرىن كورىپ جاعامىزدى ۇستادىق. «كىم بىلگەن؟» باعدارلاماسىن كوپشىلىگىڭىزگە تانىمال تەلەجۇرگىزۋشى نۋريددين بيدوسوۆپەن بىرگە تاماشالايتىن بولاسىزدار. ەفيرگە جول تارتقان جاڭا جوبا ءوز كورەرمەندەرىن تابادى دەپ سەنەمىز!
نۇرتىلەك ريانبەكقىزى
