وڭتۇستىك قازاقستان وبلىسى ىشكى ساياسات باسقارماسىنىڭ ۇيىمداستىرۋىمەن، اتسالىسۋىمەن قازان ايىنىڭ 1-ءى مەن 31-ءى ارالىعىندا 15 ءىس-شارا وتكىزىلگەن ەكەن.

«ەگەمەن قازاقستان» گازەتىنىڭ ۆيتسە-پرەزيدەنتى-باس رەداكتورى جانبولات اۋپباەۆ جانە «ايقىن» گازەتىنىڭ ءبولىم مەڭگەرۋشىسى گۇلزينا بەكتاسوۆا وبلىس جۋرناليستەرىنە جۋرناليستىك زەرتتەۋ جانە سۇحبات الۋ تاقىرىبى بويىنشا سەمينار-ترەنينگ وتكىزدى.(01.10.2014)

وبلىس اكىمى اسقار مىرزاحمەتوۆ 1 قازان ‒ حالىقارالىق قارتتار كۇنىنە وراي «ەڭبەگىمەن ومىرگە ورنەك سالعان تۇلعالار» اتتى مەرەكەلىك شاراعا قاتىستى. وبلىستىق ىشكى ساياسات باسقارماسىنىڭ ۇيىتقى بولۋىمەن وتكەن ءىس-شارادا وبلىس باسشىسى وڭتۇستىكقازاقستاندىق بارشا اعا بۋىن وكىلدەرىن مەرەكەلەرىمەن قۇتتىقتادى.(01.10.2014)

قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءاسانالى ءاشىموۆ باستاعان قازاقستان كينوماتوگرافياشىلار وداعىنىڭ مۇشەلەرى «وڭتۇستىك» اقپارات ورتالىعىندا جەرگىلىكتى جۋرناليستەرمەن كەزدەستى.(02.10.2014)

«ماڭگىلىك ەل – ۇلتتىق يدەيامىزدىڭ تۇپقازىعى» قازاقستان -2050 ستراتەگياسىن جۇزەگە اسىرۋعا ارنالعان ساياساتتانۋشىلاردىڭ رەسپۋبليكالىق كونفەرەنتسياسى ءوتتى. وبلىستىق ىشكى ساياسات باسقارماسىنىڭ ۇيىمداستىرۋىمەن وتكەن جيىنعا وبلىس اكىمىنىڭ ءبىرىنشى ورىنباسارى بەرىك وسپانوۆ، بەلگىلى ساياساتتانۋشىلار ەرلان كارين، ايدوس سارىم ت.ب. قاتىستى.(09.10.2014)

وبلىستىق ىشكى ساياسات باسقارماسىنىڭ قولداۋىمەن «سەرپىلىس» قوعامدىق قورى الەۋمەتتىك ءالسىز توپتارعا جاتاتىن ازاماتتاردىڭ پسيحولوگيالىق كوزقاراستارىن بەلسەندى ومىرگە باعىتتاۋ تاقىرىبىندا ترەنينگ وتكىزدى.(15.10.2014)

ۇلت قايراتكەرلەرى تۇرار رىسقۇلوۆ پەن سۇلتانبەك قوجانوۆتىڭ 120 جىلدىعى جانە «وڭتۇستىك قازاقستان» وبلىستىق قوعامدىق-ساياسي گازەتىنىڭ 90 جىلدىعىنا ارنالعان حالىقارالىق عىلىمي-تەوريالىق كونفەرەنتسيا ءوتتى.(17.10.2014)

«حابار» اگەنتتىگىنىڭ پروديۋسەرى ارمان سقابىلۇلى مەن «استانا» تەلەارناسىنىڭ اناليتيك رەداكتورى جاينا سلامبەكقىزى جەرگىلىكتى ارىپتەستەرىنە شەبەرلىك ساباعىن وتكىزىپ، تەلەجۋرناليستيكانىڭ قوعامدا الاتىن ورنى، تەلەارناداعى سۇحبات جانرى، تىكەلەي ەفيردەگى سۇحبات جۇرگىزۋدىڭ وزىندىك ءادىس-تاسىلدەرى تۋرالى ءدارىس وقىدى.(21.10.2014)

قازاقستان جازۋشىلار وداعى باسقارماسى توراعاسىنىڭ ءبىرىنشى ورىنباسارى عالىم جايلىبايدىڭ قاتىسۋىمەن وڭتۇستىك قازاقستان وبلىسى جازۋشىلار وداعى فيليالىنىڭ ديرەكتورىن تانىستىرۋ كەزدەسۋى ءوتتى.(22.10.2014)

ۇلتتىڭ كورنەكتى اقىنى، مەملەكەتتىك سىيلىقتىڭ لاۋرەاتى ۇلىقبەك ەسداۋلەت اعامىزدىڭ 60 جىلدىق مەرەيتويىنا وراي اقىننىڭ شىمكەنتتە شىعارماشىلىق كەشى ۇيىمداستىرىلدى.(22.10.2014)

وبلىس اكىمى اسقار مىرزاحمەتوۆتىڭ تاپسىرماسىنا سايكەس وبلىستىق ىشكى ساياسات باسقارماسىنىڭ ۇيىمداستىرۋىمەن بۇقارانىڭ الەۋەتى مەن بىرلىگىن، ىنتىماعىن ارتتىرۋ باعىتىندا اتقارىلىپ جاتقان جۇمىستار بويىنشا وبلىستىق باسقارما باسشىلارى اعا بۋىنمەن كەزدەسۋ وتكىزىپ تۇراتىن بولىپ شەشىلدى. العاشقى جۇزدەسۋگە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا باسقارما تاراپىنان اتقارىلىپ جاتقان جۇمىستار تۋرالى باياندادى.(24.10.2014)

تۇركىستان قالاسىندا «تۇركiستاندى تۇركi دۇنيەسiنiڭ رۋحاني ورتالىعى رەتiندە قالىپتاستىرۋ ماسەلەلەرi» تاقىرىبىندا حالىقارالىق كونفەرەنتسيا ءوتتى. كونفەرەنتسيادا وبلىستىق ىشكى ساياسات باسقارماسىنىڭ باسشىسى بەرىك ءۋالي وبلىس اكىمىنىڭ قۇتتىقتاۋىن وقىپ، شاعىن بايانداما جاسادى.(25.10.2014)

وڭتۇستىك قازاقستان وبلىسى اكىمدىگىمەن تۇركى اكادەمياسى بىرلەسىپ استانا قالاسىنداعى بەيبىتشىلىك جانە كەلىسىم سارايىندا «تۇركى الەمى: تۇلعالار تاعىلىمى» اتتى حالىقارالىق عىلىمي كونفەرەنتسيا ۇيىمداستىردى.(27.10.2014)

كەنتاۋ قالالىق «نۇر وتان» پارتياسىنىڭ كىشى ءماجىلىس زالىندا اقپاراتتىق ماتەريالداردى ينتەرنەت جەلىسىندە تاراتۋعا بەيىمدەۋ جانە اۋداندىق، قالالىق گازەتتەردىڭ كوركەمدىك ماسەلەلەرى بويىنشا وبلىستىق ىشكى ساياسات باسقارماسىنىڭ ۇيىتقى بولۋىمەن بۇقارالىق اقپارات قۇرالدارى اراسىندا «باسپا ونىمدەرىن ينتەرنەت جەلىسىندە تاراتۋعا بەيىمدەۋ جانە گازەتتى كوركەمدەۋدىڭ ەرەكشەلىكتەرى» تاقىرىبىندا سەمينار ءوتتى.(27.10.2014)

«مەنىڭ ەلىم-ماڭگىلىك ەل: كاسپيدەن التايعا دەيىن» ەتنوگرافيالىق ەكسپەديتسياسىنىڭ وڭتۇستىك قازاقستان وبلىسىنداعى ءىس-شارالارى وبلىستىق ىشكى ساياسات باسقارماسىنىڭ اتسالىسۋىمەن ءوتتى.(30.10.2014)

دۇنيەجۇزi قازاقتارىنىڭ قاۋىمداستىعى جانە «كيەلi قازىعۇرت» قوعامدىق قورىنىڭ ۇيىمداستىرۋىمەن وبلىستىق ىشكى ساياسات باسقارماسىنىڭ قولداۋىمەن «ورداباسى: كەشە، بۇگiن جانە ەرتەڭ» تاقىرىبىندا رەسپۋبليكالىق دوڭگەلەك ۇستەل وتىرىسى ءوتتى.

دەرەككوز: saigez.kz