«تۇرعىن ءۇي قۇرىلىس جيناق بانكى» سالىمشىلارىنىڭ ءاربىر دەپوزيتىنە مەملەكەت سىياقىسى ەسەپتەلەدى

«تۇرعىن ءۇي قۇرىلىس جيناق بانكىنىڭ» «ەكىنشى كەلىسىمشارتتى ەكى ەسە جەڭىلدىكپەن جاسا» اتتى اكتسياسى 2014 جىلدىڭ 15 قاراشاسىنا دەيىن جالعاسۋدا. اتالعان اكتسيا اياسىندا كەز-كەلگەن سالىمشى ءوز اتىنا، سونداي-اق، وتباسى مۇشەلەرى مەن جاقىن تۋىستارىنىڭ اتىنا ەكىنشى دەپوزيت اشۋ مۇمكىندىگىنە 50 پايىز جەڭىلدىكپەن قول جەتكىزە الادى.

سالىمشى ءۇشىن «بۇل ءتيىمدى مە؟» دەگەن سۇراق تۋارى انىق. ارينە، وتە ءتيىمدى! ويتكەنى، سالىمشى ءوز اتىنا، سونداي-اق، وتباسى مۇشەلەرى مەن جاقىن تۋىستارىنىڭ اتىنا ەكىنشى دەپوزيت اشۋ ارقىلى، ۇستىمىزدەگى جىلدىڭ سوڭىندا مەملەكەت سىياقىسىنا يە بولادى. ياعني، ءار اشىلعان دەپوزيتكە سالىنعان 200 اەك كولەمىنەن نەمەسە 370400 تەڭگەدەن اسپايتىن قارجىعا مەملەكەت تاراپىنان 20 پايىزدىق سىياقى تولەنەدى.

سالىمشىلاردىڭ تابىسىن ارتتىرۋ ماقساتىندا بانك وتباسى مۇشەلەرىنىڭ اتىنا بىرنەشە دەپوزيتتەر اشۋعا كەڭەس بەرەدى. بۇل جاعدايدا سىياقى ءاربىر ازاماتقا ەسەپتەلەدى. ال، «تۇرعىن ءۇي قۇرىلىس جيناق بانكى» سالىمشىلارىنىڭ جيناق قارجىسىنىڭ كولەمىنە 2 پايىزدىق سىياقى تاعايىندالعان، دەپوزيتتەردىڭ جىلدىق ءتيىمدى مولشەرلەمەسى 12,6 پايىزدى قۇرايدى. سىياقى تاعايىنداۋ ارقىلى مەملەكەت جەكە باسپاناسى ءۇشىن قارجى جيناقتاۋدى ماقسات ەتكەن سالىمشىلاردى ىنتالاندىرۋدى كوزدەيدى. ەسكەرەتىن ءبىر جايت، «تۇرعىن ءۇي قۇرىلىس جيناق بانكى» سالىمشىلارىنا تولەنەتىن سىياقى دەپوزيتتەردىڭ ءوتىپ بارا جاتقان جىلدىڭ 1 قاڭتارىنداعى جاعدايىمەن ەسەپتەلەدى.

ەگەر سالىمشى باسپانا ساتىپ الۋعا بەل بۋعان بولسا، بانكتەگى ءوز اتىنا جانە وتباسى مۇشەلەرى مەن جاقىن تۋىستارىنىڭ اتىنا اشىلعان ەسەپ شوتتارداعى قارجى بىرىكتىرىلىپ، تۇرىعىن ءۇي زاەمى بەرىلەدى. بۇگىنگى تاڭدا باسپانا ساتىپ الۋعا بەرىلەتىن نەسيە نارىعىنداعى ەڭ ءتيىمدى ءتاسىل وسى تۇرعىن ءۇي زاەمدارى بولىپ وتىر.تۇرعىن ءۇي زاەمدارىن ساتىپ الاتىن باسپانا قۇنىنىڭ 50 پايىزىن 3 جىلدان كەم ەمەس مەرزىم ىشىندە جيناقتاعان ءاربىر سالىمشى الۋعا قۇقىلى. ال، باسپانا باعاسىنىڭ قالعان 50 پايىز قۇنى ءۇشىن بانك تاراپىنان تۇرعىن ءۇي زاەمدارى بەرىلەدى دە، وعان 3,5 پايىز بەن 5 پايىز ارالىعىندا جىلدىق سىياقى مولشەرلەمەسى ەسەپتەلەدى. زاەمنىڭ جىلدىق ءتيىمدى مولشەرلەمەسى 4 پايىزدان اسپايدى.

تۇرعىن ءۇي زاەمدارى تۇرىعىن ءۇي ساتىپ الۋعا، جەر تەلىمدەرىن ساتىپ الۋعا، قۇرىلىس جۇمىستارىن جۇرگىزۋگە، يپوتەكالىق نەسيەلەردى قايتا قارجىلاندىرۋعا، سونداي-اق، يپوتەكالىق نەسيە الۋعا قاجەتتى باستاپقى قاراجات تۇرىندە بەرىلەدى.

ايتا كەتۋ كەرەك، «تۇرعىن ءۇي قۇرىلىس جيناق بانكى» اق «بايتەرەك» ۇلتتىق باسقارۋشى حولدينگى اق-نىڭ ەنشىلەس كومپانياسى بولىپ تابىلادى. حولدينگتىڭ قۇرىلۋ ماقساتى ۇلتتىق ەكونوميكانى ساۋىقتىرۋ مەن وركەندەتۋ جانە ينۆەستيتسيالار تارتۋ، سونداي-اق كلاستەرلىك جۇيە مەن كورپوراتيۆتى باسقارۋ ءىسىن جەتىلدىرۋدى كوزدەيدى.

اباي-اقپارات