اباي.kz پورتالىندا «قازاقستاننىڭ تۇرعىن ءۇي قۇرىلىس جيناق بانكىنىڭ» جۇمىستارى جايلى اقپاراتتار جاريالانا باستاعالى وقىرمانداردان كوپتەگەن ساۋالدار كەلىپ تۇسۋدە.

دەمەك، تۇرعىن ءۇي ماسەلەسىنە قاتىستى جۇرت كوكەيىندەگى كوپ سۇراققا تۇسىنىكتى ءارى قازاق تىلىندە جاۋاپ تابۋ كۇن تارتىبىندە تۇرعاندىعىن جاسىرۋعا بولمايدى. وسى سەبەپتەن دە اباي.kz ءوز وقىرماندارىنا قاجەتتى اقپاراتتى جيىرەك جاريالاۋعا دەن قويماق. بۇل ءار قازاقتىڭ قولىنا پاتەر كىلتىن ۇستاتىپ جىبەرەمىز دەگەن ءسوز ەمەس، جالپى باسپانا نارىعى تۋرالى، قول جەتىمدى باسپاناعا قول جەتكىزۋ جولدارى جايلى جانە «قازاقستاننىڭ تۇرعىن ءۇي قۇرىلىس جيناق بانكىنىڭ» وسى باعىتتاعى اتقارىپ وتىرعان قىزمەتى تۋرالى دا حاباردار ەتۋگە دەگەن تالپىنىس. ەندەشە، قۇلاعىڭىز تۇرىك بولسىن، وقىرمان!

ال، تۇرعىن ءۇي قۇرىلىس جيناق بانكىنىڭ قاتىسۋىمەن استانا قالاسىندا بەرىلەتىن پاتەرلەرگە قاتىستى وقىرمان ساۋالىنا قاتىستى بارلىق اقپاراتتى www.hcsbk.kz  سايتىنان الۋعا بولادى. سونداي-اق، استانا قالاسىنداعى «قازاقستاننىڭ تۇرعىن ءۇي قۇرىلىس جيناق بانكى» اق-نىڭ ورتالىق فيليالىنىڭ قىزمەتكەرلەرى سالىمشىلاردى تولعانتقان بارلىق ساۋالدارعا جاۋاپ بەرۋگە ءازىر.

ايتپاقشى، استانا قالاسىنداعى «قازاقستاننىڭ تۇرعىن ءۇي قۇرىلىس جيناق بانكى» اق-نىڭ ورتالىق فيليالىنىڭ №2 قىزمەت كورسەتۋ ورتالىعى جاڭا قونىسقا كوشىپ جاتىر. 18 جەلتوقساننان باستاپ استانالىقتار ءۇشىن قىزمەت كورسەتۋ ورتالىعى مىنا مەكەن-جايدا: استانا قالاسى، كەنەسارى كوشەسى، 4 ۇيدە ەسىگىن ايقارا اشپاق. حوش كەلدىڭىز!