«سامۇرىق-قازىنا» اق ديرەكتورلار كەڭەسى قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆتىڭ توراعالىعىمەن وتكەن كەزەكتى وتىرىسىندا قور كومپانيالار توبىن ترانسفورماتسيالاۋ باعدارلاماسىنىڭ جۇزەگە اسىرىلۋ بارىسىن قارادى دەپ حابارلايدى "سامۇرىق - قازىنا" اق جۇرتشىلىقپەن بايلانىس دەپارتامەنتى.  

  ترانسفورماتسيا باعدارلاماسى اياسىنداعى ديرەكتورلار كەڭەسى ماقۇلداعان العاشقى ماڭىزدى قۇجات كورپوراتيۆتىك باسقارۋ كودەكسى بولدى.

 كودەكس كورپوراتيۆتىك باسقارۋ سالاسىنداعى سوڭعى كەزدەگى الەمدىك تاجىريبەلەر مەن ەكونوميكالىق ىنتىماقتاستىق پەن دامۋ ۇيىمىنىڭ (ەىدۇ) وزەكتى باستامالارىن، سونىڭ ىشىندە ديرەكتورلار كەڭەسىنىڭ تيىمدىلىگىن ارتتىرۋ جانە ولاردىڭ اكتسيونەرلەر الدىنداعى ەسەپتىلىگىن، تاۋەكەلدى باسقارۋ مەن تۇراقتى دامۋ ماسەلەلەرىن باسشىلىققا الادى.

ء«بىز بۇل جوباعا ەنشىلەس ۇيىمداردى، تاۋەلسىز ديرەكتورلاردى كەڭىنەن تارتىپ، ەىدۇ ساراپشىلارىمەن، مەملەكەتتىك ورگاندارمەن، ۇلتتىق كومپانيالارمەن  كەڭەستىك. جاڭا كودەكس اياسىندا ءبىز بارلىق توپتاردىڭ ۇزاقمەرزىمدى قۇنىن ارتتىرۋدى جانە قازاقستاننىڭ بۇگىنى مەن بولاشاعى ءۇشىن تۇراقتى دامۋدى قامتاماسىز ەتۋدى كوزدەيمىز. تۇراقتى دامۋ ۇلگىسىن ەنگىزۋدىڭ ماڭىزدىلىعى تۋرالى مەملەكەت باسشىسى دا ءجيى ايتىپ كەلەدى. ۇزدىك باسقارۋ ستاندارتتارىنا نەگىزدەلگەن كودەكستى قابىلداۋ قور توبىنا دەگەن قازاقستاننىڭ ءوز ىشىندەگى جانە شەتەلدەردەگى سەنىمدى ارتتىرادى، ينۆەستيتسيالىق احۋالدى جاقسارتادى، سونداي-اق، ءبىزدىڭ كومپانيالاردىڭ ەىدۇ وزىق ستاندارتتارىنا ۇمتىلىسىن كورسەتەدى. مۇنىڭ ءبارى مەملەكەت باسشىسى الدىمىزعا قويعان ماقساتتارمەن ۇندەسىپ جاتىر»، - دەدى، ديرەكتورلار كەڭەسىنە قۇجاتتى تانىستىرعان قوردىڭ باسقارما توراعاسىنىڭ ورىنباسارى ەلەنا باحمۋتوۆا.

  كودەكستى ازىرلەۋ بارىسىندا قور كومپانيالاردى جەكە ۇيىم رەتىندە كوپتەگەن اكتسيونەرلەر ارقىلى باسقارۋ جانە ولارعا جوعارى كورپوراتيۆتىك باسقارۋ ستاندارتتارىن قولدانۋ ءتاسىلىن ۇستانادى. سونىمەن قوسا، ديرەكتورلار كەڭەسى قوردىڭ بەس كومپانياسىنداعى كورپوراتيۆتىك باسقارۋدىڭ تاۋەلسىز دياگنوستيكاسىنىڭ ناتيجەلەرىن قارادى.  دياگنوستيكا ناتيجەلەرى وڭ ۇردىستەردى بايقاتادى. كورپوراتيۆتىك باسقارۋ رەيتينگىنىڭ كوش باسىندا 80,5 رەيتينگتىك كورسەتكىشپەن «ەير استانا» اق تۇر. بۇدان ءارى «KEGOC» اق (78,1 ر.ك.), «قازاتومپروم» ۇاك» اق (76,8 ر.ك.), «سامۇرىق-ەنەرگو» اق (73,5 ر.ك.) جانە «سامۇرىق-قازىنا» جىلجىمايتىن مۇلىك» اق (71,2 ر.ك.).كورپوراتيۆتىك باسقارۋ ورتاسىن جاقسارتۋ، تاۋەلسىز ديرەكتورلار سانىن ۇلعايتۋ، جەكەلەگەن كومپانيالاردا 50%-عا ۇلعايعان، ديرەكتورلار كەڭەستەرىنىڭ تيىمدىلىگىن ارتتىرۋ، سىرتقى اۋديتوردى سۇرىپتاۋ ءۇردىسىنىڭ جاقسارۋى، كورپوراتيۆتىك باسقارۋدى ترانسفورماتسيا باعدارلاماسىنىڭ باستى باعىتىنا اينالدىرۋ بارلىق كومپانيالارداعى وڭ وزگەرىستەردىڭ قاتارىنا جاتادى. سونىمەن قاتار، قور كومپانيالار توبىنداعى كورپوراتيۆتىك باسقارۋدى جەتىلدىرۋ ءىسىن بۇدان ءارى دە جالعاستىرا بەرەدى.

جيىن بارىسىندا قور قىزمەتىندەگى وزگە دە ماسەلەلەر قارالىپ، ءتيىستى شەشىمدەر قابىلداندى.

اباي-اقپارات.