رەسەي مەملەكەتتىك دۋماسى 20 مامىر كۇنى رەسەيلىكتەردى قوس ازاماتتىعى بارى تۋرالى حابارلاۋعا مىندەتتەيتىن زاڭ جوباسىن الدىن-الا ماقۇلداعان. بۇل تۋرالى «ازاتتىق» جازدى. زاڭ بويىنشا، ەندى قوس ازاماتتىعى بارىن جاسىرعاندار جاۋاپقا تارتىلاتىن بولادى.
زاڭ جوباسىن بۇرىن كگب قىزمەتكەرى بولعان دەپۋتات اندرەي لۋگوۆوي ۇسىنعان. ول "قوس ازاماتتىق رەسەي ازاماتتىعىنىڭ ءمانىن كەتىرىپ، ءوز وتانىنا دەگەن قارىم-قاتىناسىن سۋىتىپ جىبەرەدى" دەگەن. دەپۋتاتتىڭ سوزىنشە، قوس ازاماتتىق ماسەلەسى "باتىس ەلدەرى رەسەيگە اگرەسسيالىق قىسىم جاساپ جاتقان كەزدە وتە ماڭىزدى". ەگەر جوبا قابىلدانسا، ءۇشىنشى ەلدىڭ ازاماتتىعىن الىپ، بىراق ونىسىن جاسىرىپ جۇرگەن رەسەيلىكتەر 20 مىڭ رۋبلگە دەيىن ايىپپۇل تولەمەك جانە 400 ساعات تۇزەتۋ جۇمىستارىنا جەگىلمەك ەكەن.

ەستەرىڭىزگە سالا كەتەتىن بولساق، بيىل رەسەي ازاماتتىعىن بەرۋدىڭ جاڭا ءتارتىبى قاراستىرىلعان ەدى، ورىس تىلىندە سويلەي الاتىن كەز كەلگەن ادام رەسەي ازاماتتىعىن الۋى ءۇشىن رەسەي تەرريتورياسىندا ءۇش اي عانا تۇرۋى جەتكىلىكتى بولاتىن. 

اباي-اقپارات