ازياداعى ءوزارا ءىس-قيمىل جانە سەنىم شارالارى كەڭەسىنىڭ IV سامميتىندە ءسوز سويلەگەن قازاقستان پرەزيدەنتى نۇرسۇلتان نازارباەۆ اتالعان كەڭەستىڭ نەگىزىندە ازياداعى قاۋىپسىزدىك جانە دامۋ ۇيىمىن قۇرۋدى ۇسىندى، دەپ حابارلايدى قازاقپارات.

پرەزيدەنت ءوز سوزىندە: "ازياداعى ءوزارا ءىس-قيمىل جانە سەنىم شارالارى كەڭەسىنىڭ نەگىزىندە ءتيىمدى ءارى مىقتى ازياداعى قاۋىپسىزدىك جانە دامۋ ۇيىمىن قۇرۋ قاجەت. ونىڭ قىسقاشا اتى - اقدۇ. ول كيەۆتەگى توڭكەرىس پەن ۋكرايناداعى قانتوگىستى توقتاتا الماعان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باسەكەلەسى بولۋى ءتيىس", - دەپ اتاپ كورسەتكەن.

ايتا كەتەيىك، ازياداعى ءوزارا ءىس-قيمىل جانە سەنىم شارالارى كەڭەسىن قۇرۋ تۋرالى باستامانى نازارباەۆتىڭ ءوزى العاش رەت 1992 جىلى كوتەرگەن بولاتىن. سونداي-اق شاڭحاي ىنتىماقتاستىق ۇيىمىنىڭ، تمد-نىڭ جانە الداعى 29 مامىردا استانادا قول قويىلىپ بەكىتىلەتىن  ەۋرازيالىق ەكونوميكالىق وداقتىڭ دا باستاما يدەيالارى ەلباسى نۇرسۇلتان نازارباەۆقا ءتان.

اباي-اقپارات