رف ءىىم 1 ماۋسىمنان باستاپ ەلدە 2013 جىلدىڭ 23 اقپانىنداعى «ازاماتتاردىڭ دەنساۋلىعىن قورشاعان تەمەكى تۇتىنىنەن جانە تەمەكىنى تۇتىنۋدىڭ زارداپتارىنان قورعاۋ تۋرالى» فەدەرالدى زاڭنىڭ بىرقاتار ەرەجەلەرى كۇشىنە ەنگەنىن حابارلادى. زاڭعا سايكەس، الىس جولعا شىعاتىن پويىزدار مەن الىسقا جۇزەتىن كەمەلەردە، تەمىرجول پلاتفورمالارىندا، قوناق ۇيلەر، دۇكەندەر مەن ساۋدا ورىندارىندا، ستاتسيونارلى ەمەس ساۋدا نىساندارىندا، قوعامدىق تاماقتاندىرۋ ورىندارىندا تەمەكى تارتۋعا تىيىم سالىنادى. قازاقپاراتتىڭ حابارلاۋىنشا جوعارىدا اتالعان ورىنداردا تەمەكى شەككەنى ءۇشىن ازاماتتارعا 500-دەن 1,5 مىڭ رۋبلگە دەيىن، ال بالالار الاڭىندا بۇل ەرەجەنى بۇزعاندارعا 2-3 مىڭ رۋبلگە دەيىن  اكىمشىلىك ايىپپۇل سالىنادى.

سونداي-اق ۆەدومستۆودا پوليتسيانىڭ تەمىرجول ۆوكزالدارىنىڭ عيماراتتارىندا، اۆتوۆوكزالداردا، اۋەجايلار مەن تەڭىز پورتتارىندا، وزەن پورتتارى، مەتروپوليتەن ستانسالارىنان 15 مەترگە دەيىنگى جەردە اشىق اسپان استىندا، جولاۋشىلاردى تاسىمالداۋ بويىنشا قىزمەت كورسەتۋگە ارنالعان ورىنداردا تەمەكى شەگەتىن بولسا، جاۋاپكەرشىلىككە تارتۋ وكىلدىگىنە يە ەكەنىن اتاپ وتكەن.

اباي-اقپارات