ۋكراينانىڭ شىعىسىنداعى رەسەيشىل سەپاراتيستەر جەتەكشىلەرى 27 ماۋسىمعا دەيىن اتىستى ۋاقىتشا توقتاتا تۇرۋ تۋرالى كەلىسىمدى ساقتايدى. بۇل جايىندا رەسەي، ۋكراينا مەن ەۋروپاداعى قاۋىپسىزدىك جانە ىنتىماقتاستىق ۇيىمى (ەقىۇ) وكىلدەرىمەن كەزدەسۋىندە ءوزىن ءوزى جاريالاعان "دونەتسك حالىق رەسپۋبليكاسى" پرەمەر-ءمينيسترى الەكساندر بوروداي ءمالىم ەتكەن. ونىڭ سوزىنشە، ءوزىن ءوزى جاريالاعان "لۋگانسك حالىق رەسپۋبليكاسى" سەپاراتيستەرى دە كەلىسىمدى ساقتاۋعا كەلىسكەن.

«ازاتتىق راديوسى» سايتىنىڭ جازۋىنشا، بوروداي بۇعان قوسا سەپاراتيستەر وكىلدەرى ۋكرايناداعى داعدارىستى رەتتەۋگە ارالاساتىندارىن دا حابارلاعان. بۇدان بۇرىن سەپاراتيستەر 20 ماۋسىم كۇنى ۋكراينا پرەزيدەنتى پەتر پوروشەنكو جاريالاعان ءبىتىم جوسپارىن قابىلداماي تاستاعان ەدى.

23 ماۋسىم كۇنى ەۋروپا وداعىنىڭ سىرتقى ىستەر مينيسترلەرى ەگەر ماسكەۋ پوروشەنكونىڭ بەيبىت جوسپارىن قابىلداماسا رەسەيگە قارسى سانكتسيالاردى كۇشەيتەتىنىن ەسكەرتكەن.

اباي-اقپارات