جەرۇيىق ىزدەپ قىتاي-قازاقستان شەكاراسىن بۇزعان قىتايلىق ازامات ۇستالدى. بۇل تۋرالى قر ۇقك شەكارا قىزمەتىنىڭ ءباسپاسوز قىزمەتىنە سىلتەمە جاساپ قازاقپارات حابارلادى.

«تۇنگى ساعات ون ءبىردىڭ كەزىندە «قورعاس» شەكارا وتريادىنىڭ شەكاراشىلارى ءىز تاستاۋ جولاعىنىڭ بويىنان ەلىمىزدىڭ اۋماعىنا قاراي ءجۇرىپ وتكەن ادامنىڭ ءىزىن بايقايدى. ساناۋلى مينۋتتار ىشىندە زاستاۆا «قارۋلان» بۇيرىعى بويىنشا اياقتارىنان تىك تۇرىپ، «دابىل توبى» وقيعا ورنىنا اتتانادى.ء يىسشىل يت ءىز الامىن دەگەنشە جاركەنت شەكارا وتريادىنىڭ ساربازدارى وزدەرىنىڭ پوزيتسيالارىنا جەتىپ ۇلگەردى»، - دەلىنگەن حابارلامادا. 

ءتۇن ورتاسى اۋعاندا جاقىن ماڭداعى ەلدى مەكەندەردە بلوكپوستار ۇيىمداستىرىلىپ، تۇرعىنداردىڭ، اۆتوكولىكتەردىڭ قۇجاتتارى تەكسەرىلە باستايدى. بەلسەندى ءىس-شارا ناتيجەسىندە كوپ ۇزاماي مەملەكەتتىك شەكارانى بۇزۋشى ۇستالعان. «ول كورشىلەس قىتاي حالىق رەسپۋبليكاسىنىڭ ازاماتى بولىپ شىقتى. جاۋاپ الۋ كەزىندە ول جەر بەتىنەن جۇماق ىزدەپ، شەكارا كەسكەندىگىن مالىمدەدى»، - دەلىنگەن ءباسپاسوز قىزمەتى حابارلاماسىندا.

شەكاراشىلارعا جاركەنت قالاسىنان ەرىكتى جاساقشىلار كومەككە كەلىپ، شەكارا بۇزۋشىنى ۇستاۋ ءىس-شاراسىنا كورشىلەس اسكەري بولىمدەردىڭ جاۋىنگەرلەرى، بورالداي اۋە بازاسىنىڭ تىكۇشاقتارى، سونداي-اق، پانفيلوۆ اۋداندىق ءىىب قىزمەتكەرلەرى جۇمىلدىرىلىپتى.

اباي-اقپارات