دۇيسەنبى, 20 مامىر 2024
قوعام 12271 0 پىكىر 24 ماۋسىم, 2014 ساعات 11:00

«اباي» ەسكەرتكىشى الىنىپ تاستالدى

شىعىس قازاقستان وبلىسىنىڭ ورتالىعى – وسكەمەن قالاسىندا اباي مەن ميحاەليسكە ورناتىلعان ەسكەرتكىشتىڭ سۋرەتى كەشە الەۋمەتتىك جەلىدە پايدا بولىپ، ۇلكەن تالقىلاۋ تۋعىزدى.  جۋرناليست قانات ورالبەك جاريالاعان سۋرەتتە قازاقتىڭ ۇلى ويشىلى اباي اسا ءبىر جاعىمسىز كەيىپتە مۇسىندەلگەنى انىق كورىنەدى. ابايدى مازاق ەتكەن ەسكەرتكىشكە بايلانىستى Abai.kz سايتىندا «ابايدى مازاق ەتۋ – قازاقتى مازاق ەتۋ»  اتتى ماقالا شىققان بولاتىن. ايتا كەتەرلىگى ەسكەرتكىش ەشقانداي سالتاناتتى جاعدايدا ەمەس، ەلەۋسىز ۋاقىتتا ورناتىلا سالعان.

شىعىس قازاقستان وبلىسى اكىمىنىڭ ورىنباسارى جاقسىلىق ومار ءوزىنىڭ «Twitter» الەۋمەتتىك جەلىدەگى بلوگىندا وبلىس باسشىسىنىڭ نۇسقاۋىمەن وسكەمەن قالاسى اكىمدىگىنىڭ ەسكەرتكىشتى الىپ جاتقانى تۋرالى جازدى.

قاتەلىك كەتتى، ەسكەرتكىش الىندى.  دۇرىس، ءىس وسىمەن بىتە مە؟! جۇرت شۋلاماسا، اباي، دانا  اباي ەمەس-اۋ، قازاق قورلانىپ قالا بەرەتىن بە ەدى؟ ەسكەرتكىش اتاۋلى ورناتىلار الدىندا يدەولوگيالىق، تاريحي جانە باسقا دا ساراپتامادان وتكىزىلۋى كەرەك قوي.

بولعان جايتكە بايلانىستى ءبىز وسكەمەن قالاسىنىڭ اكىمدىگىنىڭ ءباسپاسوز وكىلى اياۋجان اشىموۆاعا حابارلاسقان ەدىك، ەسكەرتكىشكە قانداي مەملەكەتتىك مەكەمە تاپسىرىس بەرگەنى، جانە مۇسىنشىلەرى كىم ەكەنىن جانە ەسكەرتكىشكە قانشا قاراجات تولەنگەنىن بىلگىمىز كەلگەن جازباشا سۇراۋىمىزعا تومەندەگىدەي جاۋاپ الدىق:

«وسكەمەن قالاسىندا 22 ماۋسىم كۇنى اباي داڭعىلى مەن ميحاەليس كوشەسىنىڭ قيىلىسىندا اباي مەن ميحاەليسكە ارنالعان ەسكەرتكىش ورناتىلعان. بىراق تاپسىرىس بەرۋشى قالالىق اكىمدىك تاراپىنان ەسكەرتكىشتىڭ و باستاعى بەكىتىلگەن ماكەتكە سايكەسسىزدىگى انىقتالعان بولاتىن. قالالىق بيلىك ۇلىلارىن ۇلىقتاۋدى ويلاپ، قوس داناعا ارنالعان  تاماشا ەسكەرتكىشتىڭ جاسالۋىن كۇتكەن ەدى. قازىرگى كەزدە ەسكەرتكىش قايتادان اۆتورلاردىڭ شەبەرحاناسىنا قايتارىلدى. ەسكەرتكىش دايىن بولعاندا قايتا ورناتىلادى. اۆتورلارى  ۆلاديمير سامويلوۆ پەن ەۆگەني نەپيانوۆ. ەسكەرتكىش فيبروبەتوننان جاسالعان. ال تەحنولوگيا بويىنشا مۇنداي ماتەريالدان ەسكەرتكىشتەر 10, ءارى كەتسە 30 كۇن  ىشىندە جاسالادى. ەسكەرتكىشتىڭ قۇنى ول دايىن بولعاندا انىقتالادى. ازىرگە  ەسكەرتكىش اۆتورلارىنا ەشقانداي قاراجات تولەنگەن  جوق.» سونداي-اق اياۋجان اشىموۆامەن تەلەفون ارقىلى بولعان اڭگىمەمىزدە ول ەسكەرتكىشتىڭ تۇندە ورناتىلعانىن راستادى. ونىڭ سەبەبىن جول قوزعالىسىنا كەدەرگى كەلتىرمەۋ ارەكەتى دەپ ءتۇسىندىردى.

وسكەمەن اكىمدىگىنىڭ ءباسپاسوز وكىلىنىڭ جاۋابىنان تۇيگەنىمىزدەي قازاقتى مازاق ەتكەن ءمۇسىندى ۆلاديمير سامويلوۆ پەن ەۆگەني نەپيانوۆ جاساعان. جۇرتتىڭ دابىلىمەن الىنىپ تاستالعان ەسكەرتكىش وسى مۇسىنشىلەرگە قايتادان قايتارىلىپتى. العاشقى جاساۋىن وڭدىرماعان ولار دانا ابايدىڭ تۇلعالىق كەلبەتىن بەينەلەي الاما؟!

جالپى، مۇنداي سۇمىراي «ەسكەرتكىشتەر» ەلىمىزدىڭ وبلىس ورتالىقتارىندا جەتىپ-ارتىلادى. سونىڭ ءبىرى – اقتوبەدەگى «قان مەن تەر» رومانىنىڭ كەيىپكەرلەرىنە قويىلعان تومەندەگى «قۇبىجىقتار» بولىپ تابىلادى:  

 

نۇرعالي نۇرتاي

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2175
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2466
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672