ارىستانسىڭ ازۋلى
(يمانعالي نۇرعاليۇلىنا)
سەن – ارىستانسىڭ ازۋلى،
اسقاقتاعان ايباتى!
مەن – جولبارىسپىن جونى نىق،
لىقسىعان قايراتى!
ارىستان مەن بارىسسىز،
دالانى – دالا دەي كورمە!
يىلە قويمايدى ەشكىمگە،
نامىسقا تولى ءور كەۋدە!
ارىستان اقىرعان ايماقتا،
اڭدىپ باسادى بورىلەر!
جولبارىس جورتقان دالادا،
تاۋلار دا بيىك كورىنەر!
مىقتىلار جايلى تىرلىكتە،
بىتپەيدى ماڭگى جىر-اڭىز!؟
بىلەسىز بە، ءسىز بەن ءبىز
ءبىر قالادا تۇرامىز!
قازاقستانىمدى ءبىر اللا
ءبىر ءوزى جەبەپ، قولداسىن!
ءبىز تۇرعاندا، استانا
و، قالاي اسقاق بولماسىن!!!
اۋىت مۇقيبەك
04.07.2014
استانا
Abai.kz
