استانا. 5 مامىر. قازتاگ - قر پارلامەنتىنىڭ ءماجىلىسى سارسەنبى كۇنى كەڭەيتىلگەن وتىرىسىندا «قر اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭ جوباسىن ەكىنشى وقىلىمدا ماقۇلدادى.

قۇجاتتا جەڭىل جانە اسا جەڭىل ۇشاقتاردى باقىلانبايتىن تومەنگى اۋە كەڭىستىگىندە پايدالانا بەرۋگە رۇقسات بەرۋ قاراستىرىلعان.

زاڭ جوباسىن دەپۋتاتتارعا تانىستىرعان قر كولىك جانە كوممۋنيكاتسيا ءمينيسترى ابىلعازى قۇسايىنوۆ «جەڭىل جانە اسا جەڭىل ۇشاقتاردى پايدالانۋ ەسكەرتۋ نەگىزىندە جۇرگىزىلىپ، اەروناۆيگاتسيالىق سالىقتان بوساتىلادى»، - دەدى.

ونىڭ ايتۋىنشا، جەڭىل جانە اسا جەڭىل ۇشاق يەلەرى ءۇشىن سەرتيفيكاتتاۋ پروتسەدۋراسىن الىپ تاستاۋ ۇسىنىلعان. ولار ءۇشىن تىركەلگەنى تۋرالى كۋالىك، اۋە كەمەسىنىڭ ۇشۋعا جارامدىلىعى تۋرالى كۋالىك پەن ۇشقىش كۋالىگى بولسا جەتكىلىكتى.

سونىمەن قاتار، ايماقتىق اەروكلۋبتاردى دامىتۋ جوسپارلانىپ وتىر. ولار جەكە ۇشاقتاردىڭ باقىلانبايتىن اۋە كەڭىستىگىندە ۇشۋى بارىسىندا قۇتقارۋ-ىزدەستىرۋ جۇمىستارىن ۇيىمداستىرۋعا جاۋاپ بەرەتىن بولادى.

استانا. 5 مامىر. قازتاگ - قر پارلامەنتىنىڭ ءماجىلىسى سارسەنبى كۇنى كەڭەيتىلگەن وتىرىسىندا «قر اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭ جوباسىن ەكىنشى وقىلىمدا ماقۇلدادى.

قۇجاتتا جەڭىل جانە اسا جەڭىل ۇشاقتاردى باقىلانبايتىن تومەنگى اۋە كەڭىستىگىندە پايدالانا بەرۋگە رۇقسات بەرۋ قاراستىرىلعان.

زاڭ جوباسىن دەپۋتاتتارعا تانىستىرعان قر كولىك جانە كوممۋنيكاتسيا ءمينيسترى ابىلعازى قۇسايىنوۆ «جەڭىل جانە اسا جەڭىل ۇشاقتاردى پايدالانۋ ەسكەرتۋ نەگىزىندە جۇرگىزىلىپ، اەروناۆيگاتسيالىق سالىقتان بوساتىلادى»، - دەدى.

ونىڭ ايتۋىنشا، جەڭىل جانە اسا جەڭىل ۇشاق يەلەرى ءۇشىن سەرتيفيكاتتاۋ پروتسەدۋراسىن الىپ تاستاۋ ۇسىنىلعان. ولار ءۇشىن تىركەلگەنى تۋرالى كۋالىك، اۋە كەمەسىنىڭ ۇشۋعا جارامدىلىعى تۋرالى كۋالىك پەن ۇشقىش كۋالىگى بولسا جەتكىلىكتى.

سونىمەن قاتار، ايماقتىق اەروكلۋبتاردى دامىتۋ جوسپارلانىپ وتىر. ولار جەكە ۇشاقتاردىڭ باقىلانبايتىن اۋە كەڭىستىگىندە ۇشۋى بارىسىندا قۇتقارۋ-ىزدەستىرۋ جۇمىستارىن ۇيىمداستىرۋعا جاۋاپ بەرەتىن بولادى.

مينيستر زاڭ جوباسىنا ەنگىزىلگەن نورمالارعا سايكەس، جولاۋشىلار مەن جۇك تاسىمالىن ۇيىمداستىرۋمەن اينالىساتىن زاڭدى تۇلعالار اۋە كومپانيالار دەپ اتالاتىنىن ناقتىلادى. تۇراقتى ۇشۋ ساپارلارىن جۇزەگە اسىراتىن اۋە كومپانيالارىنىڭ رەزەرۆ ۇشاقتارى، سونداي-اق، كىرىستى ەسەپتەمەگەندە، كەم دەگەندە ءبىر ايلىق شىعىندى وتەي الاتىن قارجىسى بولۋى ءتيىس. اۋە كەمەلەرى بار باسقا ازاماتتار پايدالانۋشىلار دەپ اتالادى. وسىلايشا، رەسپۋبليكاداعى اۋە كومپانيالارىنىڭ سانى 53-تەن 15-20-عا دەيىن قىسقارادى دەلىنىپ وتىر.

تۇزەتۋلەر جوباسىندا قازاقستاندا اۋە تاسىمالى قىزمەتىن كورسەتەتىن شەتەلدىك اۋە كومپانيالارىن جولاۋشىلارعا قىزمەت كورسەتكەندە مەملەكەتتىك ءتىلدى پايدالانۋ اياسىن كەڭەيتۋگە مىندەتتەۋ قاراستىرىلعان.

سونداي-اق، ءماجىلىس زاڭناماعا ىلەسپە تۇزەتۋلەردى دە ماقۇلدادى.