ەلوردادا «قازاتومونەركاسىپ» ۇاك» اق-نىڭ XIV سپارتاكياداسى ءوتتى. اۋقىمدى شارانىڭ اشىلۋ سالتاناتى «استانا سولار» زاۋىتى اۋماعىندا ورنالاسقان سپورت كەشەنىندە ۇيىمداستىرىلدى.

ال بيىلعى باسەكەدە كومپانياعا قاراستى 25 كاسىپورىننىڭ قۇرامالارى باق سىنادى. اتاپ ايتار بولساق، اتومشى-سپورتشىلار قىزىلوردا، وڭتۇستىك قازاقستان، ماڭعىستاۋ، اقمولا، شىعىس قازاقستان جانە الماتى وبلىستارىنان، سونداي-اق الماتى جانە استانا قالاسىنان كەلدى.

جالپى مۇنداي جارىستاردىڭ ۇيىمداستىرىلۋى ەلىمىزدەگى ءىرى كومپانيالاردىڭ بۇقارالىق سپورتقا باسا كوڭىل ءبولىپ وتىرعانىن كورسەتەدى. مىسالعا، بۇل جولعى جارىس جولىنا سپورتتىڭ 8 تۇرىنەن مىڭنان استام سپورتشى شىقتى. جارىسقا قاتىسقاندار ميني-فۋتبول، ۆولەيبول، باسكەتبول، جەڭىل اتلەتيكا سياقتى تۇرىنەن ءوز شەبەرلىگىن پاش ەتتى. ال جارىسقا قاتىسۋشىلار ەكى توپقا ءبولىندى. ء«ۇمز» اق، «ماەك-قازاتومونەركاسىپ» جسش، «ۆولگوۆگەلوگيا» اق، «قازاتومونەركاسىپ» ۇاك» اق سياقتى 7 ءىرى كاسىپورىن «ا» توبىنداعى كۋبوكتى ساراپقا سالسا، ءوز كەزەگىندە شاعىن كاسىپورىندار (15 كوماندا) «ۆ» توبى ءتۇستى. كوڭىل تولاتىن تۇس، بيىلعى باسەكەدەن جاس تا، جاسامىس تا قالىس قالعان جوق. جارىستارعا جاسى 19-عا جاڭا تولعان جاس سپورتشىلار دا، 63-تەگى ارداگەر سپورتشىلار دا قاتىستى. ءوز كەزەگىندە وسىناۋ سپارتاكيادانىڭ تورەشىسى بولعان «قازاتومونەركاسىپ» ۇاك» اق باسقارما توراعاسى نۇرلان قاپپاروۆ، جارىستى وتكىزۋدەگى باستى ماقسات – كومپانيا قىزمەتكەرلەرىنىڭ سالاماتتى ءومىر سالتىن قالىپتاستىرۋ ەكەنىن تىلگە تيەك ەتتى. جارىس جالپى 5 كۇنگە سوزىلىپ، جەڭىمپازدار مەن جۇلدەگەرلەردى ماراپاتتاۋ سالتاناتىمەن اياقتالدى. 

اباي-اقپارات