بيۋرو بەكىتكەن كۇن تارتىبىنە سايكەس، دەپۋتاتتار قاراۋىنا ەڭبەك قاۋىپسىزدىگى مەن گيگيەناسىنا جاردەمدەسەتىن نەگىزدەر تۋرالى كونۆەنتسيانى (187-كونۆەنتسيا) راتيفيكاتسيالايتىن زاڭ جوباسى ەنگىزىلمەك. سونداي-اق حالىق قالاۋلىلارى بىرقاتار زاڭ جوبالارى بويىنشا قورىتىندى ازىرلەۋ مەرزىمىن بەلگىلەيتىن بولادى. اتاپ ايتقاندا، «2015-2017 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسىنىڭ ۇلتتىق قورىنان 2015-2017 جىلدارعا ارنالعان كەپىلدەندىرىلگەن ترانسفەرت تۋرالى» قارجىلىق قۇجاتتارعا قورىتىندى شىعارۋ مەرزىمى ناقتىلانادى.

سونىمەن قاتار، ءۇشىنشى ەلدەرگە قاتىستى ارنايى قورعاۋ، دەمپينگكە قارسى جانە وتەماقى شارالارى تۋرالى، كەدەندىك اكىمشىلەندىرۋ، مەملەكەتتىڭ كاسىپكەرلىك قىزمەتكە قاتىسۋىن شەكتەۋ ماسەلەلەرى بويىنشا قورىتىندى ازىرلەۋ مەرزىمى ايقىندالادى. جاڭا زاڭ جوبالارى قاتارىندا ىلەسپەلى تۇزەتۋلەرمەن «قازاقستان رەسپۋبليكاسىنداعى باعالاۋ قىزمەتى تۋرالى» جانە «تۇرعىن ءۇي قۇرىلىسىنا ۇلەستىك قاتىسۋ تۋرالى» قۇجاتتار بار.

كۇن ءتارتىبى جوباسىندا «تمد شەڭبەرىندە قۇپيا اقپاراتتى قورعاۋ تۋرالى كەلىسىمدى» جانە «ازىق-تۇلىك قاۋىپسىزدىگى جونىندەگى يسلام ىنتىماقتاستىق ۇيىمىنىڭ جارعىسىن راتيفيكاتسيالاۋ» سىندى قورىتىندى ازىرلەۋ مەرزىمىن انىقتاۋدى قاجەت ەتەتىن راتيفيكاتسيالىق اكتىلەر قامتىلعان.